Bakı/04.11.17/Turan: Azərbaycan Xalq Cəbhəsi Partiyasının fəalı Əhsən Abdullayev inzibati qaydada 15 gün müddətinə həbs olunub. Bu barədə Turan-a AXCP Ali Məclisinin sədri Nurəddin Məmmədli bildirib.
Onun sözlərinə görə, Abdullayevdən üç gün idi ki, xəbər yox idi və yalnız noyabrın 12-də polis onun saxlanıldığını və inzibati qaydada 15 gün müddətinə həbs edildiyini təsdiq edib.
Hələlik onun konkret olaraq hansı qanun pozuntusunda ittiham olunduğu məlum deyil.
Amma, Məmmədlinin sözlərinə görə, partiya nümayəndələrinə həbsin səbəbinin internetdə sosial şəbəkələrdə "təhqiramiz statuslar yazması" olduğu bildirilib.
Maraqlıdır ki, Abdullayev Balaxanı istintaq təcridxanasında saxlanılır, baxmayaraq ki, inzibati qaydada həbs olunanları xüsusi olaraq bunun üçün nəzərdə tutulmuş Binəqədi təcridxanasında saxlayırlar.
Məmmədlinin sözlərinə görə, təkcə Milli Şuranın sentyabrın 23-də, oktyabrın 7-də və 28-də keçirdiyi aksiyalarda fəal iştiraka və sosial şəbəkələrdə fəallığa görə 500-dən çox insan polisə dəvət edilərək ya cərimə edilib, ya inzibati cəza alıb, ya da işdən çıxarılıb.
AXCP noyabrın 13-dən etibarən Abdullayevin hüquqi müdafiəsinə başlayacaq və həbsdən şikayət verəcək. -06D-
Cəmiyyət
-
Aprelin 25-də Bakıda və Abşeron yarımadasında yağmursuz, günəşli hava şəraiti davam edəcək. Mülayim cənub küləyi əsəcək. Havanın temperaturu gündüz 23-28 dərəcə təşkil edəcək.
-
Aprelin 24-də Bakıda və Abşeronda yağıntı gözlənilmir. Mülayim şimal-qərb küləyi əsəcək, gündüz cənub-şərq küləyinə keçəcək. Gündüz havanın temperaturu müsbət 29 dərəcəyə yüksələcək.
-
Avropa Şurası Parlament Assambleyasının (AŞPA) Azərbaycan üzrə həmməruzəçisi, norveçli deputat Liz Kristoffersen Azərbaycanın bu quruma qayıtması üçün Nazirlər Komitəsində danışıqlar getdiyini bildirib. "Biz Azərbaycanı Assambleyada görmək istəyirik. Bunun üçün Azərbaycan hakimiyyəti müəyyən güzəştlərə getməlidir və bir sıra tələbləri yerinə yetirməlidir", - Kristoffersen deyib.
-
Narkomaniyaya qarşı yönəlmiş sosial kampaniya gəncləri zərərli vərdişlərdən çəkindirmək, sağlam həyat tərzi və idmana təşviq etmək məqsədi daşıyır “Azercell Telekom” MMC Azərbaycan Cüdo Federasiyası ilə əməkdaşlıqda həyata keçirdiyi genişmiqyaslı silsilə layihənin növbəti mərhələsini elan edir. "Doğru yol budur" sosial kampaniyası yeniyetmə və gəncləri zərərli vərdişlərdən çəkindirmək məqsədi daşıyır. Layihə cəmiyyətimizdə xüsusilə gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
Rəy yaz