Bakı Hərbi Məhkəməsi
Bakı/13.11.17/Turan: Bu gün Bakı Hərbi Məhkəməsində ləğv edilmiş Milli Təhlükəsizlik Nazirliyinin iki keçmiş yüksək vəzifəli şəxsinin işi üzrə prosesdə prokurorun yekun çıxışı olub.
Bu işin fiqurantları Antiterror Mərkəzinin keçmiş rəisi, general-mayor Elçin Quliyev və onun müavini, polkovnik Azər Mehdiyevdir.
Prokuror Quliyevin 15 il, Mehdiyevin 13 il müddətinə azadlıqdan məhrum edilməsini istəyib. Onlar bir sıra ağır cinayətlər törətməkdə, o cümlədən hədə yolu ilə pul tələb etməkdə, rüşvət almaqda, vəzifə səlahiyyətlərini aşmaqda və sui-istifadədə və s. ittiham olunur.
MTN-də kadr təmizlikləri və həbslər 2015-ci ilin oktyabrında bu idarənin rəisi Eldar Mahmudovun vəzifədən kənarlaşdırılmasından sonra başlayıb.
İdarənin 20 böyük zabiti həbs edilib, xüsusi xidmət özü isə buraxılıb. Onun bazasında Dövlət Təhlükəsizliyi Xidməti və Xarici Kəşfiyyat Xidməti yaradılıb.
Keçmiş yüksək vəzifəli zabitlərindən bir neçəsi artıq uzunmüddətli həbs cəzalarına məhkum edilib. -16D06-
Cəmiyyət
-
Aprelin 24-də Bakıda və Abşeronda yağıntı gözlənilmir. Mülayim şimal-qərb küləyi əsəcək, gündüz cənub-şərq küləyinə keçəcək. Gündüz havanın temperaturu müsbət 29 dərəcəyə yüksələcək.
-
Avropa Şurası Parlament Assambleyasının (AŞPA) Azərbaycan üzrə həmməruzəçisi, norveçli deputat Liz Kristoffersen Azərbaycanın bu quruma qayıtması üçün Nazirlər Komitəsində danışıqlar getdiyini bildirib. "Biz Azərbaycanı Assambleyada görmək istəyirik. Bunun üçün Azərbaycan hakimiyyəti müəyyən güzəştlərə getməlidir və bir sıra tələbləri yerinə yetirməlidir", - Kristoffersen deyib.
-
Narkomaniyaya qarşı yönəlmiş sosial kampaniya gəncləri zərərli vərdişlərdən çəkindirmək, sağlam həyat tərzi və idmana təşviq etmək məqsədi daşıyır “Azercell Telekom” MMC Azərbaycan Cüdo Federasiyası ilə əməkdaşlıqda həyata keçirdiyi genişmiqyaslı silsilə layihənin növbəti mərhələsini elan edir. "Doğru yol budur" sosial kampaniyası yeniyetmə və gəncləri zərərli vərdişlərdən çəkindirmək məqsədi daşıyır. Layihə cəmiyyətimizdə xüsusilə gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
-
Azərbaycanın neftlə zəngin tarixinin salnaməsində Vitold Zqlenitskinin adı bəlkə də dərhal yada düşmür, lakin 19-cu əsrin sonu-20-ci əsrin əvvəllərində neft sənayesinin inkişafına verdiyi töhfə dərin və qalıcıdır. Aprelin 22-də Polşanın Azərbaycandakı səfirliyi Zqlenitski irsini onun həyatından ətraflı bəhs edən kitabın təqdimatı ilə qeyd etdiyi üçün suallar yaranır ki, niyə bu görkəmli şəxsiyyət Bakı küçələrində və abidələrində diqqətdən kənarda qalır.
Rəy yaz