Bloger Namiq Sadıqlı 30 sutka həbs edilib (yenilənib)
Bakı/01.12.17/Turan: Nəsimi Rayon Məhkəməsinin qərarı ilə AXCP fəalı Namiq Sadıqlı 30 sutka həbs edilib. O, İnzibati Xətalar Məcəlləsinin 535.1-ci maddəsi (polisin qanuni tələbinə tabe olmamaq) ilə təqsirli bilinib. Bu barədə Turan-a AXCP-dən bildiriblər. Partiyadan deyiblər ki, müdafiə tərəfi həbsdən şikayət verəcək.
* * *
Noyabrın 30-da Xalq Cəbhəsi Partiyasının fəalı, bloger Namiq Sadıqlı saxlanılıb.
AXCP üzvlərinin Turan-a verdiyi məlumata görə, Sadıqlı Nəsimi rayon 19-cu polis bölməsinə aparılıb.
Mənbənin məlumatına görə, o, İnzibati Xətalar Məcəlləsinin 535.1-ci (polis işçisinin və ya hərbi qulluqçunun qanuni tələbinə qəsdən tabe olmama) maddəsi ilə ittiham olunur. Onu 1 ayadək həbs cəzası gözləyir. Blogerin işinə bu gün paytaxtın Nəsimi rayon məhkəməsində baxılacaq. "polisə tabe olmama"nın məhz nədən ibarət olduğu aydın deyil.
AXCP fəallarının sözlərinə görə, Sadıqlı sosial şəbəkələrdə fəal idi və orada müxalifətin hökumət əleyhinə aksiyaları haqqında videoçarxlar yerləşdirirdi.
Xatırladaq ki, hazırda Azərbaycanda 10-dan çox jurnalist və bloger həbsdədir. Onlar hamısı ölkə hakimiyyətinin siyasətini tənqid etdiklərinə görə mühakimə ediliblər. -05B-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz