Bakı/07.12.17/Turan: Bu gün Vəkillər Kollegiyasının konfransında Anar Bağırov (1976-cı ildə anadan olub) bu orqanın sədri seçilib.
Bu, gözlənilən idi. Çünki əvvəlki sədr Azər Tağıyevin istefasından sonra A.Bağırov KİV-də hakimiyyətin hüquq siyasətini dəstəkləyən bəyanatla çıxış edib.
Belə ki, o, məhkəmələrdə vətəndaşların nümayəndəlik institutunun məhdudlaşdırılmasına yönələn düzəlişləri dəstəkləyib.
Bundan əlavə, A.Bağırov siyasi məhbusların hüquqlarını müdafiə edən tanınmış vəkil Yalçın İmanovun Vəkillər Kollegiyasından çıxarılmasının tərəfdarlarından biri olub.
Vəkillər Kollegiyası formal olaraq müstəqil qurum sayılır. Ancaq praktikada hakimiyyət tərəfindən nəzarət olunur və hakimiyyətin opponentlərinin hüquqlarını müdafiə edənləri öz sıralarından sıxışdırır.
Belə ki, son illər tanınmış vəkillər Xalid Bağırov, Elçin Namazov, Əlaif Həsənov, Aslan İsmayılov bundan öncə isə Namizəd Səfərov Vəkillər Kollegiyasından xaric ediliblər.-06B--
Cəmiyyət
-
Ölkənin lider telekommunikasiya şirkəti 5 tələbəyə təcrübə keçmək imkanı təqdim edəcək Azercell böyük məmnuniyyətlə ADA Universitetinin Karyera Hazırlığı Həftəsində iştirak edir. Tədbir tələbə və şirkətləri bir araya gətirərək, gənclərin karyera və bacarıqlarının inkişafına təkan verən platforma rolunda çıxış edir. Karyera Hazırlığı Həftəsi tələbələrə peşəkarlar ilə birbaşa ünsiyyətdə olmaq və müxtəlif sektorlar haqqında məlumatlanmaq üçün əvəzsiz imkanlar təqdim edir. Azercell-in bu təşəbbüsdə iştirakı şirkətin istedadları inkişaf etdirmək və gələcək mütəxəssislərin yetişdirilməsinə töhfə vermək öhdəliyini əks etdirir.
-
2024-cü ilin ilin əvvəlindən ölkə əhalisinin sayı 6769 nəfər və ya 0,1 faiz artaraq 10187539 nəfərə çatıb. Bu barədə Statistika Komitəsinin yaydığı məlumatda deyilir.
-
Ekologiya Nazirliyinin Milli Hidrometeorologiya Departamentinin proqnozuna görə, cümə günü, aprelin 19-da Bakıda və Abşeron yarımadasında hava şəraiti dəyişkən buludlu, yağmursuz olacaq. Mülayim cənub-şərq küləyi əsəcək. Havanın temperaturu gecə 12-16 dərəcə, gündüz 27 dərəcəyə qədər isti olacaq.
-
Rusiya sülhməramlılarının Azərbaycan ərazilərindən çıxmağa başladığı bildirilir. Rusiya prezidentinin mətbuat katibi Dmitri Peskov da bununla bağlı yayılan məlumatı təsdiqləyib. O, "Interfax" agentliyinin sualına "Bəli, bu, həqiqətən də belədir" deyib.
Rəy yaz