Salyanda törədilmiş kütləvi qətlin motivləri məlum deyil
Bakı/07.12.17/Turan: 2014-cü ildə Salyan rayonunda törədilmiş kütləvi qətlin üstü üç ildən sonra açılıb.
Baş Prokurorluğun mətbuat xidməti bildirib ki, Mehparə Əliyeva və onun dörd qızının öz evlərində qəsdən öldürülməsi haqda rayon prokurorluğuna məlumat daxil olub
Evin zirzəmisinə baxış zamanı onların cəsədləri aşkar edilib.
Müəyyən edilib ki, bunlar üç il öncə itkin düşmüş Mehparə Əliyeva və onun qızları Rəqibə, Sevda, İradə və Ümidədir.
Onları M.Əliyevanın əri Fərhad Əliyevin (1954-cü ildə anadan olub) öldürərək evin həyətində basdırdığı məlum olub. Bu işdə ona oğlu Fəqan (1989-cu il) kömək edib.
Fakt üzrə CM-in 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanıb. F.Əliyev şübhəli şəxs qismində saxlanılıb, rəsmi məlumatda deyilir.
Ancaq qeyri-rəsmi məlumatlara görə, F.Əliyev özü polisə gedərək qətl törətdiyini etiraf edib. Cinayətin motivləri hələlik məlum deyil.06D-
Cəmiyyət
-
“Turan” İnformasiya Agentliyi Azərbaycanda geniş yayılmış korrupsiya problemini işıqlandıran bir addım olaraq aprelin 2-də “Korrupsiya kanalizasiyası” başlıqlı kəskin ifşaedici məqalə yayıb. Dövlət qurumlarının və Həmkarlar İttifaqları Konfederasiyasının ünvanına ittiham aktı olan bu məqalə ölkənin idarəçiliyini müəyyən edən sistemli pozuntuların və hüquqi süstlüyün narahatedici reallığını ortaya qoyur.
-
Aprelin 18-də Bakıda və Abşeronda yağıntısız isti hava şəraiti davam edəcək. Səhər bəzi yerlərdə duman olacaq, cənub küləyi əsəcək.
-
Qarabağda yerləşən Rusiya sülhməramlı kontingentinin Azərbaycandan çıxarılma prosesi başlayıb. Azərbaycan Respublikası Prezidentinin köməkçisi - Azərbaycan Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev aprelin 17-də bildirib ki, Rusiya sülhməramlılarının Azərbaycan ərazisindən vaxtından əvvəl çıxarılması barədə hər iki ölkənin ali rəhbərliyi qərar qəbul edib: "Artıq proses başlanılıb, Azərbaycan və Rusiya Müdafiə nazirlikləri həmin qərarın icrası ilə bağlı müvafiq tədbirləri həyata keçirirlər".
-
Aprelin 17-də Sumqayıt Ağır Cinayətlər Məhkəməsində bloger Cəmil Məmmədlinin işi üzrə məhkəmə prosesi başa çatıb.
Rəy yaz