Keçmiş müdafiə naziri saxlanılıb
Bakı/25.12.17/Turan: Azərbaycanın keçmiş mudafiyə naziri Rəhim Qaziyev dekabrın 25-də günorta saatlarında Bakıda Nəriman Nərimanov metro stansiyasının qarşısındakı parkda saxlanılaraq Nərimanov rayon Polis İdarəsinin 17-ci Polis Bölməsinə aparılıb.
Bu barədə keçmiş nazirin qardaşı Rahab Qazıyev Turana bildirib.
"Bu gün Bakı vaxtı ilə saat 20 radələrində 17-ci Polis Bölməsindən mənə zəng edib qardaşımın orada saxlanıldığını bildirdilər. Mənə dedilər ki, narahat olmayım, qardaşım polisdə saxlanılır. İndi 17-ci Polis Bölməsinin qarşısındayam. Növbətçi hissədən qardaşımın burada saxlanıldığını təsdiq etdilər və dekabrın 26-da səhər saat 10-da gəlməyimi məsləhət bildilər", o qeyd edib.
Rahab Qazıyev qardaşı Rəhim Qazıyevin saxlanılmasının səbəbləri ilə bağlı məlumat verilmədiyini bildirib.
Hazırda Rahab Qazıyevlə birgə bir qrup hüquq müdafiəçisi də polis bölməsinin qarşısında gözləyir.
Hüquq müdafiəçiləri Rəhim Qazıyevin saxlanılmasının onun Kanal 13 İnternet televiziyasında yayılan müsahibəsində prezident İlham Əliyev və onun atası mərhun prezident Heydər Əliyevin ünvanına işlətdiyi kəskin tənqidlərdən bir gün sonraya təsadüf etdiyini bildfirir.
Bununla yanaşı, hüquq-mühafizə orqanları keçmiş nazirin saxlanılması barədə hələ hər hansı məlumat yaymayıb.
Rəhim Qazıyev 1992-ci ilin martından 1993-cü ilin fevralınadək Azərbaycanın müdafiə naziri olub.-0-
-
- Maliyyə
- 25 Dekabr 2017 21:27
Cəmiyyət
-
Polis əməkdaşlarının keçirdikləri əməliyyat tədbirləri ilə martın 28-də ümumi çəkisi 50 kiloqramdan artıq narkotik vasitə aşkar olunaraq götürülüb. Bu barədə Daxili İşlər Nazirliyinin mətbuat xidmətinin məlumatında deyilir.
-
Martın 7-də Qafqaz Müsəlmanları İdarəsinin (QMİ) Qazılar Şurası Azərbaycanda Ramazan ayının başlaması ilə bağlı fətva verib.
-
Azərbaycan Nazirlər Kabineti müntəzəm sərnişin daşımalarında istifadə olunan nəqliyyat vasitələrinin rənglərini müəyyənləşdirib. Müvafiq sənəd martın 28-də təsdiq edilib.
-
Cümə günü Bakıda və Abşeronda hava dəyişkən, yağıntısız olacaq. Axşam bəzi yerlərdə duman olacaq. Cənub-qərb küləyi əsəcək. Havanın temperaturu gecə müsbət 5+9, gündüz müsbət 12+17 dərəcə olacaq.
Rəy yaz