Тале Багирзаде
Taleh Bağırova qarşı yeni cinayət işi başlanıb
Bakı/26.12.17/Turan: Ədliyyə Nazirliyinin İstintaq İdarəsində "Müsəlman Birliyi" Hərəkatının sədri, Qobustan qapalı həbsxanasında cəza çəkən Taleh Bağırovun barəsində Cinayət Məcəlləsinin 317-2-ci (cəzaçəkmə müəssisəsində və ya istintaq təcridxanasında saxlanılan şəxs tərəfindən qadağan olunmuş əşyaların hazırlanması, saxlanması) maddəsilə cinayət işi başlanıb. Bu barədə Turan-a vəkil Cavad Cavadov bildirib.
Onun sözlərinə görə, T.Bağırov cinayət işini aparan müstəntiqin vasitəsilə onunla əlaqə saxlayıb və vəkili olmasını xahiş edib.
"Müstəntiq mənə zəng edib bildirdi ki, Taleh Bağırovun barəsində cinayət işi başlanıb. Ona dövlət vəkili təyin edilib və Bağırov dövlət vəkilindən imtina edib. O, mənim onun hüquqlarını müdafiə etməyimi istəyib. Mən artıq müqavilə bağlamışam, dekabrın 27-də müstəntiqlə birgə onunla görüşəcəm", - C.Cavadov qeyd edib.
Vəkil həmçinin cinayət işinin mahiyyəti ilə bağlı məlumatsız olduğunu deyib. "Sabah Taleh Bağırovla görüşümdən sonra cinayət işinin başlanmasının mahiyyəti ilə bağli məlumat verəcəm", - vəkil bildirib.
T.Bağırov 2015-ci il noyabrın 26-da Baş Mütəşəkkil Cinayətkarlıqla Mübarizə İdarəsinin Bakının Nardaran qəsəbəsində keçirdiyi xüsusi əməliyyat zamanı həbs olunub.
Bakı Ağır Cinayətlər Məhkəməsinin hökmü ilə T.Bağırov 20 il müddətinə azadlıqdan məhrum edilib.-03B-
-
- Çətin sual
- 26 Dekabr 2017 11:08
-
- Cəmiyyət
- 26 Dekabr 2017 12:08
Cəmiyyət
-
Azərbaycan Nazirlər Kabineti müntəzəm sərnişin daşımalarında istifadə olunan nəqliyyat vasitələrinin rənglərini müəyyənləşdirib. Müvafiq sənəd martın 28-də təsdiq edilib.
-
Cümə günü Bakıda və Abşeronda hava dəyişkən, yağıntısız olacaq. Axşam bəzi yerlərdə duman olacaq. Cənub-qərb küləyi əsəcək. Havanın temperaturu gecə müsbət 5+9, gündüz müsbət 12+17 dərəcə olacaq.
-
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları “NARKOTƏLƏ” şərti adı altında martın əvvəlindən bu günə kimi narkotiklərin qanunsuz dövriyyəsinə qarşı paytaxt və bölgələrdə 30-a yaxın əməliyyat keçirib. Əməliyyatlarla “qara bazar”da dəyəri 6 milyon manat olan 157 kiloqram, o cümlədən 91 kiloqram tərkibi psixotrop maddələrlə zənginləşdirilmiş marixuana, 42 kiloqram heroin, 17 kiloqram metamfetamin, 7 kiloqram tiryək, həmçinin digər növdən olan narkotik vasitə, 12 min 211 ədəd psixotrop tərkibli metadon, tramadol, “Lirika” həbi, 1 ədəd “Makarov” tapançası, 13 ədəd patron və 2 ədəd patron sandıqçası ələ keçirilib, bu barədə DİN-in məlumatında deyilir.
-
Bakıda metronun "28 May" stansiyasının yuxarı hissəsində yerləşən dayanacaqda qiymətlər artıb. Sürücülər bildirir ki, əvvəl də həmin ərazidə parkinq olub, amma qiymətlər daha ucuz idi. İndi isə parklanma qiymətləri 15-30 dəqiqə üzrə 1 manatdan başlayır, 20-24 saat üçün isə 30 manatda başa çatır. Növbəti sutka üzrə də 30 manat nəzərdə tutulur. Əvvəl həmin dayanacaqda 1 saatın qiymətinin 1 manat olduğu deyilir.
Rəy yaz