Jurnalistlərin həbsdə olduğu yerdə azad və keyfiyyətli TV ola bilməz
Azərbaycan Milli Televiziya və Radio Şurası Türkel TV MMC-yə ümumrespublika yayımı üçün müddətsiz lisenziya verildiyini elan edib. 2010-cu ildə Tovuzda açılan bu şirkət Azərbaycanın mərkəzi və qərb rayonları üçün televeriliş yayımı və istehsalı ilə məşğul olurdu. 19 sentyabr 2016-cı il tarixində Türkel TV-nin adı dəyişdirilərək, ARB 24 adlandırılıb. Onun verilişlərinə Bakıda da baxmaq olar. Türkel TV (ARB 24) tenderdə "daha üstün yaradıcılıq imkanlarına, daha münasib maddi-texniki bazaya və peşəkar kadr potensialına malik olduğu üçün" iki rəqibinə - Baku Art Lab MMC-yə və Media Master MMC-yə qalib gəlib, deyə MTRŞ-nin press-relizində bildirilir.
MRTŞ-nin qərarı ilə əlaqədar Turan müxtəlif ölkələrdə və Azərbaycanın rayonlarında yaşayan azərbaycanlılar arasında qısa rəy sorğusu keçirib.
Türkiyədə yaşayan Lalə Kuru Facebook vasitəsilə belə cavab verib: orada teledebatlar olacaq? Kimdən müsahibə alacaqlar? Sosial problemləri qaldıracaqlar, yoxsa "biz Amerikadan daha yaxşı yaşayırıq" görünüşü yaratmağa davam etdirəcəklər?" O hesab edir ki, yeni telekanal başqa telekanallarda yayılan Azərbaycan xəbərlərini təkrar edəcək. Azərbaycanlılar peyk və kabel yayımı ilə yayımlanan xarici verilişləri yerli televiziyadan üstün tutmağa davam edəcəklər.
"Yerli televiziya, demək olar ki, azərbaycanlıların tələbatını qarşılamır. Paytaxt sakinləri əsasən kabel televiziyası ilə yayımlanan Rusiya və Türkiyə verilişlərinə baxırlar, rayonlarda isə peyk çanaqları vasitəsilə xarici telekanallar tutur", deyə coğrafiya müəllimi və Vikipediyada məqalələrin müəllifi Namiq Mantaşov (Qax rayonu) Turan-a cavab verib. Azərbaycanda Rusiya və Türkiyə telekanalları ilə yanaşı Avropada və dünyanın digər regionlarındakı yarışları göstərən İdman-Azərbaijan telekanalı da məşhurdur. Digər idman kanallarından fərqli olaraq, burada müasir rəqəmsal aparatlarla asanlıqla açılan çox sadə şifrələmə sistemi tətbiq olunur.
Azərbaycanda yerli və mütləq keyfiyyətli elmi, sənədli, tarixi və coğrafi televerilişlərə ehtiyac hiss olunur. Operativ xəbərlərə də tələbat var. Qalmaqallı verilişlərə üstünlük verən yeni Dalğa-TV kanalı qısa müddət ərzində uğurlu heç nə nümayiş etdirməyib, xarici filmlər və musiqili verilişlər yayımlayır. Euronews kanalının xəbər bloklarına Azərbaycan dilində baxmaq yaxşı olardı. ARB-24-də xəbərlər daha çox regional hadisələrlə bağlı idi. Bu kanal müsabiqədə qalib gəlib ümummilli kanala çevrilirsə, iş sahəsini əsaslı şəkildə genişləndirməli və yaxşılaşdırmalı olacaq, deyə N.Mantaşov əlavə edib.
Politoloq Leyla Əliyeva qeyd edib ki, yalnız ölkədə demokratiya səviyyəsi çox yüksək olduqda müstəqil kanal ola bilər. "İnkişaf etmiş demokratiyalarda belə ictimai və özəl kanalların sözün əsl mənasında müstəqil olması uğrunda daim mübarizə və müşahidə var. Mətbuat azadlığının boğulduğu, jurnalistlərin həbsdə olduğu Azərbaycanda isə azad telekanal ola bilməz. Aydındır ki, yeni kanalda kim işləyirsə işləsin, o, növbəti əhalinin beynini yuma və ya ağıllara nəzarət alətinə çevriləcək. Ola bilər ki, ARB hakimiyyətə lazım olan ideyaları daha incə formada təbliğ etsin və ya sadəcə olaraq xarici siyasətlə bağlı xəbərlərlə kifayətlənsin, L.Əliyeva belə ehtimal edir.
ARB-24 telekanalının baş direktoru əvvəllər dövlət televiziyasında və özəl "Sara TV" kanalında işləmiş Nadir Şəfiyevdir. Teleşirkətdə 5 departament fəaliyyət göstərir. Şirkət 720 kv. metrlik pavilyona və virtual dekorasiyalar yaratmaq üçün avadanlığa malikdir. Telekanal SOCAR-ın himayəsi altında fəaliyyət göstərir.
-
- İqtisadiyyat
- 29 Dekabr 2017 12:25
-
- Maliyyə
- 29 Dekabr 2017 12:56
Cəmiyyət
-
Tədbir zamanı media nümayəndələrinin suallarını cavablandıran Dr. Klaus Müller azad olunmuş ərazilərdə qısa müddət ərzində şəbəkə infrastrukturunun yaradılması, ən müasir səs texnologiyası olan VoLTE xidmətinin təqdim edilməsi və Xankəndi şəhərində ilk mobil rabitə mağazasının Bakcell tərəfindən istifadəyə verilməsini bildirib.
-
Aprelin 16-da Bakıda Semka ləqəbi ilə məşhur olan tiktoker Samir Ramazanov saxlanılıb, bu barədə DİN-in mətbuat xidməti məlumat yayıb. Məhkəmənin qərarı ilə S.Ramazanov inzibati qaydada 30 gün müddətinə həbs olunub. Bir gün əvvəl 9 yaşlı tiktoker Adəmin atası Sadiq Mirzəyev də 30 gün müddətinə həbs olunub. Onlar Azərbaycanın Ağcabədi rayonunun sakinləridir.
-
Azercell və UFAZ növbəti əməkdaşlığa imza atır “Azercell Telekom” MMC-nin dəstəyi və Azərbaycan-Fransız Universitetinin təşkilatçılığı ilə həyata keçən “Techcell” hakatonunun qeydiyyatına start verildi. Azərbaycanın bütün ali təhsil müəssisələrində oxuyan tələbələri əhatə edən bu hakatonda iştirakçılar informasiya texnologiyaları, kibertəhlükəsizlik və mobil şəbəkə sahələrinə aid real tapşırıqlar üzərində işləyəcəklər.
-
Rusiya sülhməramlılarının Azərbaycan ərazilərindən çıxmağa başladığı bildirilir. Bu barədə məlumatı həm Rusiya, həm də Azərbaycan rəsmiləri təsdiqləyib. Rusiya sülhməramlılarının Qarabağda qalma müddəti gələn ilin sonlarında başa çatırdı. İndi Azərbaycanda bəzi təhlilçilər ehtimal edir ki, Rusiya vaxtından əvvəl hərbi kontingentini çəksə də, bölgədə iqtisadı varlığını daha da artırmaq istəyə bilər. Azərbaycanın 2014-cü ildə yaradılan Avrasiya İqtisadi Birliyinə (AİB) üzvlük məsələsi gündəmə gətirilə bilərmi? (AİB-ə Ermənistan, Belarus, Qazaxıstan, Qırğızıstan və Rusiya daxildir)
Rəy yaz