Əsas - TURAN.AZ
Siyasət
İqtisadiyyat
Enerqetika
Maliyyə
Analitika
- BURAXILIŞLAR -
Siyasət xəbərlər bulleteni
İqtisadiyyat xəbərlər bulleteni
Enerqetika xəbərlər bulleteni
Maliyyə xəbərlər bulleteni
- İCMALLAR -
Bazarların icmalı
Siyasi monitorinqi
İqtisadiyyat icmalı
* * *
Əsas - CONTACT.AZ
Deməyə sözüm var
Cəmiyyət
Mədəniyyət
Dünyada
- MÜSAHÌBƏ -
Müsahibə
ÇƏTİN SUAL
- REPORTAJLAR -
Foto sessiyalar
Aktual reportaj
TANIMALI AZƏRİLƏR
- XƏBƏRLƏR SEÇİMİ -
«Gürcüstan işi»
* * *
Bağla

Arif Məmmədov: Azərbaycan Moskva və Vaşinqton üçün maraqlı deyil
Müsahibə 


2017 İyul 10 ( Bazar ertəsi )  10:41:01
Çap versiyası
English Русский 

Bakı/10.07.17/Turan: İyulun 11-də Avstriyada Azərbaycan və Ermənistan XİN rəhbərlərinin görüşü olacaq. Bu, Qarabağda vəziyyətin gərginləşməsindən sonra ilk görüşdür. Keçmiş diplomat, hazırda Avstriyada siyasi mühacir olar Arif Məmmədov Turan-a müsahibəsində iyulun 4-də Alxanlıda baş vermiş faciədən sonra münaqişənin dinc yolla nizamlanmasının mümkünlüyündən danışıb.

- Alxanlı kəndində iki mülki şəxsin Ermənistan Silahlı Qüvvələri tərəfindən öldürülməsindən sonra Ermənistanla danışıqlar prosesində hər hansı irəliləyişə ümid etmək olarmı?

- Bu görüşlə bağlı pessimist əhval-ruhiyyədəyəm. Hazırda Ermənistanın hansısa danışıqlara və Azərbaycana güzəstə getməsinə səbəb yoxdur. Ermənilər başa düşürlər ki, Bakı hər dəfə ölkə daxilində vəziyyət gərginləşəndə cəbhədə vəziyyətin eskalasiyasına gedəcək. Mövcud status-kvo erməniləri tam qane edir. Xarici işlər naziri Edvard Nalbandyan yaxşı başa düşür ki, nazir Elmar Məmmədyarov heç nəyi həll etmir. Onların görüşü olsa belə, bu, sülhməramlı danışıqlar prosesi görüntüsü yaratmaq üçündür, Azərbaycanla Ermənistan arasında sülhə nail olmaq üçün yox.

- Çoxları bildirirlər ki, Ermənistanın hərəkətlərinin arxasında Moskva dayanır. Hətta Ermənistanın hər hərəkətilə Rusiyanın siyasəti arasında birbaşa əlaqələr axtarırlar. Bu o deməkdirmi ki, Azərbaycan Rusiya ilə dostluq etməklə Qarabağ nizamlanmasında uğura nail ola bilər?

- Azərbaycan-Rusiya münasibətlərində bu ərəfədə hər hansı irəliləyiş yoxdur. Bu münasibətləri G20 görüşünün yekunları, daha dəqiqi Tramp və Putin arasında görüşün yekunları baxımından Rusiya üçün uğurlu olması kontekstində qəbul etmək lazımdır. Hazırda Qarabağda vəziyyətin gərginləşməsi Moskvanın marağında deyil. Onu daha mühüm geosiyasi məsələlər düşündürür. Fikrimcə, xarici işlər naziri Sergey Lavrovda bütün istiqamətlərdə iflasa uğramış Azərbaycan rejimi ilə bağlı Putinin sərt mesajı var.

- Siz G20-də Tramp və Putin arasında danışıqları uğurlu adlandırdınız. Hətta bu danışıqların uğurlu olduğunu güman etsək belə, bunun Azərbaycana nə aidiyyatı var?

- İki prezident planlaşdırıldığı kimi, 40 dəqiqə yox, 2 saatdan çox danışıb. Aydındır ki, geniş geosiyasi məsələlər müzakirə edilib. Trampın Varşavada, Hamburq görüşündə Rusiya ilə bağlı hay-küylü bəyanatına baxmayaraq, danışıq tonu və tərzi tamamilə başqa olub. Əlbəttə, ölkələr arasında bir çox beynəlxalq məsələlərə dair fikir ayrılığı var, ancaq ümumilikdə, dialoqun vacibliyi barədə anlaşma var.

- Hesab edirsiniz ki, prezidentlər bizim ölkə ilə bağlı məsələləri müzakirə ediblər?

- Tramp və Putinin müzakirə etdiyi mövzulara Bakıda rejimin taleyi məsələsi daxil deyil. İflasa uğramış rejim heç bir maraq doğurmur, onun taleyi Moskva və Vaşinqton arasında digər mühüm qlobal məsələlər paketinin həlli çərçivəsində həll olunacaq.

- Ancaq siz Azərbaycanın Moskva və Vaşinqton üçün maraq kəsb etdiyini inkar edə bilməzsiniz?

- Ən mühüm məqam odur ki, nə Moskva, və də Vaşinqton artıq Əliyevə etibar etmir. Putində xüsusi xidmət orqanları zabitinin mentaliteti var. Bir şey haqda razılığa gəlib ancaq sonradan öz vədlərini yerinə yetirməyənlər onunla əlaqəni və etibarı itirir. Moskvanın "varislik" planını qəbul etməməsinə baxmayaraq, Əliyev bu planı həyata keçirdi və demək olar ki, uduzdu. Vaşinqtonun da insan hüquqlarına əməl edilməsi məsələsilə bağlı Bakıya ciddi iradları var. Bundan əlavə, rejimin iflasa uğraması barədə hər gün mətbuatda yayılan qalmaqallı xəbərlər iflasa uğramış rejimlə istənilən əlaqəni Rusiya və ABŞ üçün arzuolunmaz edir.-0-