Kürdəxanı təcridxanası
Gözəl Bayramlı və Əfqan Muxtarlı səhhətindən şikayət edir
Bakı/08.07.17/Turan: Azərbaycan Xalq Cəbhəsi Partiyası sədrinin müavini Gözəl Bayramlının və jurnalst Əfqan Muxtarlının səhhətində problemlər var. "Kanal 13" İnternet resursun rəhbəri Əziz Orucova isə ailə üzvləri ilə görüşməyə imkan vermirlər. Bu barədə "Azadlıq" radiosuna vəkil Elçin Sadıqov məlumat verib. Vəkil onlarla Bakı İstintaq Təcridxanasında görüşüb.
Təcridxanada Ə.Muxtarlının müalicəsi üçün şərait yoxdur. İsti yemək olmadığından mədə ağrıları kəskinləşib. Soyuducuda yer olmadığından ərzaq saxlaya bilmir. Gürcüstanda yaşayan yaxınları ilə telefonla danışmasına imkan verilmir", - vəkil bildirib.
Gözəl Bayramlının ayaq oynağında şişmələr var. Müalicəyə şərait yaradılmır. Yalnız ağrıkəsicilər vururlar. Bu da onun mədə sistemində başqa ciddi problemlər yaradır.
Vəkilin sözlərinə görə, G.Bayramlıya vəkilləri ilə danışmağa imkan verilmir. Odur ki,
əgər istədiyi şəxslərlə telefonla danışmasına icazə verilməsə gələn həftə aclıq aksiyasına başlayacaq.
Ə. Orucova gəlincə, indiyədək onun barəsində heç bir istintaq hərəkəti aparılmayıb. Onu demək olar ki, təcrid edilmiş vəziyyətdə saxlayırlar. -0-
Cəmiyyət
-
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları “NARKOTƏLƏ” şərti adı altında martın əvvəlindən bu günə kimi narkotiklərin qanunsuz dövriyyəsinə qarşı paytaxt və bölgələrdə 30-a yaxın əməliyyat keçirib. Əməliyyatlarla “qara bazar”da dəyəri 6 milyon manat olan 157 kiloqram, o cümlədən 91 kiloqram tərkibi psixotrop maddələrlə zənginləşdirilmiş marixuana, 42 kiloqram heroin, 17 kiloqram metamfetamin, 7 kiloqram tiryək, həmçinin digər növdən olan narkotik vasitə, 12 min 211 ədəd psixotrop tərkibli metadon, tramadol, “Lirika” həbi, 1 ədəd “Makarov” tapançası, 13 ədəd patron və 2 ədəd patron sandıqçası ələ keçirilib, bu barədə DİN-in məlumatında deyilir.
-
Bakıda metronun "28 May" stansiyasının yuxarı hissəsində yerləşən dayanacaqda qiymətlər artıb. Sürücülər bildirir ki, əvvəl də həmin ərazidə parkinq olub, amma qiymətlər daha ucuz idi. İndi isə parklanma qiymətləri 15-30 dəqiqə üzrə 1 manatdan başlayır, 20-24 saat üçün isə 30 manatda başa çatır. Növbəti sutka üzrə də 30 manat nəzərdə tutulur. Əvvəl həmin dayanacaqda 1 saatın qiymətinin 1 manat olduğu deyilir.
-
Martın 28-də Bakıda və Abşeron yarımadasında əsl yaz havası olacaq. Hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal küləyi əsəcək. Havanın temperaturu gündüz 13-18 dərəcə isti olacaq.
-
Azərbaycanda təbliğatçılar xalqın öz həyat səviyyəsindən kütləvi şəkildə razı olması barədə iddialar yayırlar.
Rəy yaz