Лейла Мустафаева. Eurasianet
Əfqan Muxtarlının xanımı: Neçə məmurun kənarlaşdırılması önəmli deyil
Bakı/22.07.17/Turan: "Polis, demək olar ki, işin ədalətli araşdırılması üçün vacib olan bütün faktları məhv edib. Bundan sonra Əfqan Muxtarlının işini araşdırmaq üçün prokurorluğa veriblər".
Həbsdəki azərbaycanlı jurnalist Əfqan Muxtarlının həyat yoldaşı Leyla Mustafayeva Gürcüstanın Dövlət Sərhəd Xidmətinin və Milli Təhlükəsizlik Xidmətinin əks-kəşkiyyat idarəsinin rəhbərlərinin vəzifələrindən müvəqqəti uzaqlaşdırılması ilə bağlı açıqlamasında belə deyib.
O, araşdırmadan narazı olduqlarını vurğulayıb.
"Bizim üçün neçə məmurun vəzifəsindən kənarlaşdırılması önəmli deyil. İstintaq üçün heç bir şey etmirlər, reallıq budur ki, ortada heç bir yenilik yoxdur. Mən əminəm ki, hər şeyin necə baş verdiyini çox yaxşı bilirlər, vacib olan sübutları əllərində saxlayırlar, ancaq açıqlamırlar", deyə L.Mustafayeva bildirib.
O əlavə edib ki, artıq ona və Ə.Muxtarlının vəkillərinə cinayət işinin prokurorluqda araşdırılmasına başlanması haqda məlumat verilib.
İyulun 20-də Gürcüstanın Dövlət Sərhəd Xidmətinin və Milli Təhlükəsizlik Xidmətinin əks-kəşkiyyat idarəsinin rəhbərlərinin Ə.Muxtarlı işinə görə vəzifələrindən müvəqqəti uzaqlaşdırılması Gürcüstanın media təşkilatları tərəfindən birmənalı qarşılanmayıb.
Parlament istintaq qrupu yaradılmalıdır.
Gürcüstan Jurnalistika Etikası Xartiyası təşkilatı bəyan edib ki, reallıq jurnalistin oğurlanması işində heç bir irəliləyişin olmamasından ibarətdir.
"Əfqan Muxtarlının Tbilisidən Bakıya aparılması, bunu heç kimi görməməsi sualına aydın cavab verilməsi bizim üçün ən önəmli sualdır", deyə təşkilatın icraçı direktoru Nata Dzvelishvili bildirib.
O, jurnalist birliklərinin Ə.Muxtarlının işi üzrə parlament istintaq qrupunun yaradılmasında israrçı olacaqlarını vurğulayıb.
Qeyd edək ki, bu gün Gürcüstanın daxili işlər naziri George Mgebrishvili Gürcüstanda Dövlət Sərhəd Xidmətinin və Milli Təhlükəsizlik Xidmətinin əks-kəşkiyyat idarəsinin rəhbərlərinin azərbaycanlı jurnalist Əfqan Muxtarlının işi ilə bağlı vəzifələrindən müvəqqəti kənarlaşdırıldığını açıqlayıb.
Bundan əlavə, jurnalistin Azərbaycana aparılması ilə bağlı Gürcüstanda açılmış cinayət işi araşdırılması üçün polisdən alınaraq prokurorluğa verilib. -0-
-
- Cəmiyyət
- 20 İyul 2017 18:32
-
- Sual-cavab
- 21 İyul 2017 11:02
Cəmiyyət
-
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları “NARKOTƏLƏ” şərti adı altında martın əvvəlindən bu günə kimi narkotiklərin qanunsuz dövriyyəsinə qarşı paytaxt və bölgələrdə 30-a yaxın əməliyyat keçirib. Əməliyyatlarla “qara bazar”da dəyəri 6 milyon manat olan 157 kiloqram, o cümlədən 91 kiloqram tərkibi psixotrop maddələrlə zənginləşdirilmiş marixuana, 42 kiloqram heroin, 17 kiloqram metamfetamin, 7 kiloqram tiryək, həmçinin digər növdən olan narkotik vasitə, 12 min 211 ədəd psixotrop tərkibli metadon, tramadol, “Lirika” həbi, 1 ədəd “Makarov” tapançası, 13 ədəd patron və 2 ədəd patron sandıqçası ələ keçirilib, bu barədə DİN-in məlumatında deyilir.
-
Bakıda metronun "28 May" stansiyasının yuxarı hissəsində yerləşən dayanacaqda qiymətlər artıb. Sürücülər bildirir ki, əvvəl də həmin ərazidə parkinq olub, amma qiymətlər daha ucuz idi. İndi isə parklanma qiymətləri 15-30 dəqiqə üzrə 1 manatdan başlayır, 20-24 saat üçün isə 30 manatda başa çatır. Növbəti sutka üzrə də 30 manat nəzərdə tutulur. Əvvəl həmin dayanacaqda 1 saatın qiymətinin 1 manat olduğu deyilir.
-
Martın 28-də Bakıda və Abşeron yarımadasında əsl yaz havası olacaq. Hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal küləyi əsəcək. Havanın temperaturu gündüz 13-18 dərəcə isti olacaq.
-
Azərbaycanda təbliğatçılar xalqın öz həyat səviyyəsindən kütləvi şəkildə razı olması barədə iddialar yayırlar.
Rəy yaz