Əfqan Muxtarlı
Əfqan Muxtarlının şikayəti rədd edilib
Bakı/23.08.17/Turan:Avqustun 23-də Bakı Apellyasiya Məhkəməsi həbsdəki jurnalist Əfqan Muxtarlının şikayətini rədd edib. Jurnalistin vəkilləri onun həbs müddətinin artırılmasının qanunsuz olması əsası ilə şikayət etmişdilər.
Bakı Apellyasiya Məhkəməsində şikayətə qapalı şəkildə baxılıb. Vəkil Elçin Sadıqov deyib ki, müdafiə tərəfi məhkəmədən Nəsimi rayon məhkəməsinin avqustun 17-də qəbul etdiyi qərarın ləğv edilməsini tələb edib: "Nəsimi rayon məhkəməsi Ə.Muxtarlının həbs müddətini uzadarkən hesab edib ki, onlar azadlıqda olarlarsa istintaqdan yayına, yenidən cinayət törədə bilərlər. Mən bildirdim ki, bu qərarın əsası yoxdur. Həm də məhkəmə gəldiyi bu qənaəti heç bir arqumentlə izah etməyib. Halbuki, prosessual qanunvericilik həbs qərarı çıxarılarkən orada göstərilən hərəkətlərin edilməsi ehtimalının kifayət qədər əsaslı olmasını tələb edir", deyə vəkil bildirib.
Vəkil deyib ki, istintaq orqanı cinayət işinin materiallarını məhkəməyə gətirməyib, halbuki məhkəmə cinayət işi gətirilməyincə, bu işə baxıla bilməzdi.
Məhkəmə müdafiə tərəfinin arqumentlərini əsaslı hesab etməyib, şikayəti rədd edib.
E.Sadıqov məhkəmədən sonra iş üzrə Avropa Məhkəməsinə şikayət edəcəklərini bildirib.
Xatırladaq ki, jurnalist Ə.Muxtarlı oturum izni aldığı Gürcüstanda yaşayırdı. Ancaq bu il mayın 29-u müəmmalı şəkildə Azərbaycanda həbs edilib. Dediyinə görə, Tbilisidə saxlanıb, ona işgəncə verilib, zorla sərhədə gətirilərək Azərbaycan tərəfinə təhvil verilib. Üstəlik, cibinə 10 min avro pul qoyulub.
Ə.Muxtarlı hakimiyyət nümayəndəsinə müqavimət göstərməkdə, sərhədi qanunsuz keçməkdə və qaçaqmalçılıqda ittiham olunur.
Ə.Muxtarlı son iki ildə Gürcüstanda yaşayırdı. Azərbaycanda təqib olunduğunu bildirən jurnalist bir sıra araşdırma yazılarının müəllifi idi. -05B-
-
- Maliyyə
- 23 Avqust 2017 17:06
Cəmiyyət
-
Azərbaycan Nazirlər Kabineti müntəzəm sərnişin daşımalarında istifadə olunan nəqliyyat vasitələrinin rənglərini müəyyənləşdirib. Müvafiq sənəd martın 28-də təsdiq edilib.
-
Cümə günü Bakıda və Abşeronda hava dəyişkən, yağıntısız olacaq. Axşam bəzi yerlərdə duman olacaq. Cənub-qərb küləyi əsəcək. Havanın temperaturu gecə müsbət 5+9, gündüz müsbət 12+17 dərəcə olacaq.
-
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları “NARKOTƏLƏ” şərti adı altında martın əvvəlindən bu günə kimi narkotiklərin qanunsuz dövriyyəsinə qarşı paytaxt və bölgələrdə 30-a yaxın əməliyyat keçirib. Əməliyyatlarla “qara bazar”da dəyəri 6 milyon manat olan 157 kiloqram, o cümlədən 91 kiloqram tərkibi psixotrop maddələrlə zənginləşdirilmiş marixuana, 42 kiloqram heroin, 17 kiloqram metamfetamin, 7 kiloqram tiryək, həmçinin digər növdən olan narkotik vasitə, 12 min 211 ədəd psixotrop tərkibli metadon, tramadol, “Lirika” həbi, 1 ədəd “Makarov” tapançası, 13 ədəd patron və 2 ədəd patron sandıqçası ələ keçirilib, bu barədə DİN-in məlumatında deyilir.
-
Bakıda metronun "28 May" stansiyasının yuxarı hissəsində yerləşən dayanacaqda qiymətlər artıb. Sürücülər bildirir ki, əvvəl də həmin ərazidə parkinq olub, amma qiymətlər daha ucuz idi. İndi isə parklanma qiymətləri 15-30 dəqiqə üzrə 1 manatdan başlayır, 20-24 saat üçün isə 30 manatda başa çatır. Növbəti sutka üzrə də 30 manat nəzərdə tutulur. Əvvəl həmin dayanacaqda 1 saatın qiymətinin 1 manat olduğu deyilir.
Rəy yaz