Müsavat Partiyası Şirvan təşkilatının rəhbərinə qarşı ittiham ağırlaşdırılıb
Bakı/08.01.17/Turan: Müsavat Partiyası Şirvan təşkilatının rəhbəri Əlikram Xurşudova qarşı ittiham daha ağır maddəyə tövsif edilib. Belə ki, CM-in 221.2.2-ci maddəsi (hakimiyyət nümayəndəsinə müqavimət göstərməklə xuliqanlıq) 315.2 maddəyə (həyat və ya sağlamlıq üçün təhlükəli olan zorakılıq tətbiq etməklə hakimiyyət nümayəndəsinə müqavimət göstərmək) tövsif edilib. Bunu Turan-a vəkil Nemət Kərimli bildirib.
Əgər 221.2.2 maddə üzrə Ə.Xurşudovu 5 ilədək həbs təhlükəsi gözləyirdisə, yeni ittihamla7 il həbs təhlükəsi var.
Ə.Xurşudovun barəsində daha bir ittiham da var: CM-in 221.3-cü maddəsi (silah kimi istifadə olunan alət tətbiq etməklə xuliqanlıq). Bu ittiham üzrə 3 ildən 7 ilədək azadlıqdan mərhum olunma təhlükəsi gözlənilir.
Ə.Xurşudov 7 ilədək həbs cəzası ilə bağlı ittihamı qəbul etmir.
Müdafiə tərəfi ittihamı əsassız sayır.
Ə.Xurşudov noyabrın 22-də Şirvanda həbs olunub və CM-in 221.2.2 və 221.3-cü maddələri ilə ittiham edilib.
Noyabrın 24-də Şirvan Apellyasiya Məhkəməsi Ə.Xurşudovu 3 ay həbs edib.
Müsavat Partiyası hesab edir ki, Ə.Xurşudov sosial şəbəkələrdə hakimiyyəti tənqid etdiyi üçün həbs olunub.-06D--
Cəmiyyət
-
Ailə, Qadın və Uşaq Problemləri üzrə Dövlət Komitəsi 2023-cü il üçün illik hesabatını dərc edib. Sənəd ölkədə məişət zorakılığı ilə bağlı vəziyyətə işıq salır. Məruzədə əvvəlki illə müqayisədə qeydiyyata alınan halların sayının bir qədər azaldığı qeyd edilsə də, bu cür hadisələrin yayılma səviyyəsi və nəticələri ilə bağlı narahatlıqlar davam edir.
-
Azərbaycan Yerüstü Nəqliyyat Agentliyi bildirib ki, müvəqqəti sxemə əsasən, E1 və 125 nömrəli avtobus marşrutlarının hərəkəti alternativ küçələrlə həyata keçirilir.
-
Mayın 19-da içində İran prezidenti İbrahim Rəisi, xarici işlər naziri Hüseyn Əmir Abdullahian və bir neçə digər rəsmi şəxsin olduğu helikopter qəzaya uğrayıb. Mayın 20-də səhər saatlarında İranın rəsmi şəxsləri prezidentin və onun komandasının həlak olduğunu açıqlayıb. Qəzaya ilkin səbəb kimi əlverişsiz hava şəraiti göstərilir.
-
Mayın 21-də Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir. Səhər və axşam zəif duman olacaq. Şimal-qərb küləyi əsəcək. Havanın temperaturu gündüz 19-24 dərəcəyə qədər yüksələcək.
Rəy yaz