Surxay Əliyevin işi üzrə məhkəmədə
Bakı/09.01.18/Turan: Bakı Ağır Cinayətlər Məhkəməsində Mahmud Ağalarovun sədrliyi ilə "Yeni Dövr" qəzetinin baş redaktoru Surxay Əliyevin, onun müavini Hikmət Nəcəflinin və başqalarının cinayət işi üzrə proses keçirilib.
Onlar 2016-cı il dekabrın əvvəllərində reket və səlahiyyətləri olmadan texniki vasitələrin köməyilə gizli informasiya əldə etməkdə şübhəli bilinərək saxlanılıblar. Bundan başqa, Dövlət Təhlükəsizlik Xidmətinin məlumatına görə, təqsirləndirilən şəxslər qurbanlarını yüngül qadınlarla tanış edir və videoçəkiliş aparır, sonradan onunla qurbanları şantaj edirdilər.
Bu iş üzrə "Gündəlik Bakı" qəzetinin baş redaktoru da saxlanılıb, amma sonradan onun işi ayrıca icraata ayrılıb.
Prosesdə hakim Ağalarov təqsirləndirilən şəxslərin anket məlumatlarını dəqiqləşdirib, bundan sonra vəkil Bəylər Məmişov Surxay Əliyev barəsində qətimkan tədbirinin ev dustaqlığı ilə əvəz edilməsi haqqında vəsatət qaldırıb. Hikmət Nəcəflinin vəkili də eyni vəsatətlə çıxış edib. Prokuror məhkəmədən heç bir əsas olmadığı üçün vəsatəti təmin etməməyi xahiş edib. O bildirib ki, iş materialları epizodikdir və təqsirləndirilən şəxslər barəsində qətimkan tədbirinin dəyişdirilməsi qeyri-mümkündür. Bundan başqa, prokuror məhkəmədən işə baxılmasına keçməyi xahiş edib.
Məhkəmə müşavirəyə çəkilib, müşavirədən sonra vəsatətlərin təmin edilmədiyini elan edib və dinləmələri yanvarın 23-nə təyin edib. -0-
Cəmiyyət
-
Cümə günü Bakıda və Abşeronda hava dəyişkən, yağıntısız olacaq. Axşam bəzi yerlərdə duman olacaq. Cənub-qərb küləyi əsəcək. Havanın temperaturu gecə müsbət 5+9, gündüz müsbət 12+17 dərəcə olacaq.
-
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları “NARKOTƏLƏ” şərti adı altında martın əvvəlindən bu günə kimi narkotiklərin qanunsuz dövriyyəsinə qarşı paytaxt və bölgələrdə 30-a yaxın əməliyyat keçirib. Əməliyyatlarla “qara bazar”da dəyəri 6 milyon manat olan 157 kiloqram, o cümlədən 91 kiloqram tərkibi psixotrop maddələrlə zənginləşdirilmiş marixuana, 42 kiloqram heroin, 17 kiloqram metamfetamin, 7 kiloqram tiryək, həmçinin digər növdən olan narkotik vasitə, 12 min 211 ədəd psixotrop tərkibli metadon, tramadol, “Lirika” həbi, 1 ədəd “Makarov” tapançası, 13 ədəd patron və 2 ədəd patron sandıqçası ələ keçirilib, bu barədə DİN-in məlumatında deyilir.
-
Bakıda metronun "28 May" stansiyasının yuxarı hissəsində yerləşən dayanacaqda qiymətlər artıb. Sürücülər bildirir ki, əvvəl də həmin ərazidə parkinq olub, amma qiymətlər daha ucuz idi. İndi isə parklanma qiymətləri 15-30 dəqiqə üzrə 1 manatdan başlayır, 20-24 saat üçün isə 30 manatda başa çatır. Növbəti sutka üzrə də 30 manat nəzərdə tutulur. Əvvəl həmin dayanacaqda 1 saatın qiymətinin 1 manat olduğu deyilir.
-
Martın 28-də Bakıda və Abşeron yarımadasında əsl yaz havası olacaq. Hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal küləyi əsəcək. Havanın temperaturu gündüz 13-18 dərəcə isti olacaq.
Rəy yaz