Bakı/09.10.18/Turan: İran-Azərbaycan sərhədində Astara rayonunda Azərbaycan Dövlət Sərhəd Xidmətinin əməkdaşları sərhədi pozan İran vətəndaşı Şahbazi Əkbər Dilavər saxlayıb. Axtarış zamanın onun üzərindən 1,2 kq heroin, 700 qram həşiş, 200 ədəd psixotrop "preqabalin" həbi və 15 paket "meprotan" həbi aşkar edilib. Bu barədə Dövlət Sərhəd Xidmətinin məlumatında deyilir.
Bundan başqa, İran vətəndaşından narkotik maddələri almalı olan Azərbaycan vətəndaşları Rövşən Əkbərov, Xəyalə Vəliyeva və Pərviz Məmmədov saxlanılıb.
Faktla bağlı istintaq aparılır. -02D-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz