Jurnalist Aytac Əhmədova
Bakı/23.11.18/Turan: Jurnalist Aytac Əhmədova polis bölməsində zorakılığa məruz qalması barədə şikayətinə DİN-dən cavab alıb.
DİN bildirib ki, A.Əhmədovann bəyanatı araşdırma zamanı öz təsdiqini tapmayıb.
Jurnalist xatırladıb ki, oktyabrın 3-də Zabrat qəsəbəsi sakinlərinin etiraz aksiyasını işıqlandırarkən saxlanılıb. Onu polis bölməsinə aparıblar və orada fiziki təzyiq göstəriblər (üzünə vurublar).
Jurnalist DİN və Baş Prokurorluğa şikayət göndərib.
DİN Daxili Təhqiqatlar İdarəsinin cavabında deyilir ki, A.Əhmədovanın müraciəti Bakı Şəhər Baş Polis İdarəsi tərəfindən araşdırılıb. Daxili araşdırma zamanı polis əməkdaşlarının qanunsuz hərəkət törətməsi müəyyən olunmayıb.
DİN ona tövsiyə edib ki, razılaşmadığı halda məhkəməyə müraciət edə bilər.
Baş Prokurorluq da jurnalistə bildirib ki, onun şikayəti araşdırılır. A.Əhmədovanın ərizəsi araşdırılmaq üçün Sabunçu Rayon Prokurorluğuna göndərilib. Araşdırmanın yekunlarına dair cavab noyabrın 26-da təqdim olunmalıdır.
Jurnalist qeyd edib ki, yekun cavab ilə razılaşmasa məhkəməyə müraciət edəcək. -06D-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz