Cəbhəçilərin istintaqı başa çatıb
Bakı/12.12.18/Turan: Azərbaycan Xalq Cəbhəsi Partiyasının (AXCP) bir neçə üzvünün də adı keçən cinayət işinin istintaqı başa çatıb. Söhbət AXCP Rəyasət Heyətinin üzvü Aqil Məhərrəmli, partiyanın Nərimanov rayon şöbəsinin sədri Babək Həsənov, Gənclər Komitəsinin fəalı Ruslan Nəsirli və Gədəbəy rayonunun sabiq icra başçısı Saleh Rüstəmliyə açılmış cinayət işindən gedir. Bu haqda Turan-a AXCP-dən bildiriblər.
Məlumata görə, cəbhəçilərə qarşı irəli sürülmüş ittihamların bəzilərinə məzmun dəyişikliyi edilib. Ancaq ittiham maddələri dəyişməyib.
AXCP-dən bildiriblər ki, cəbhəçilər heç bir ittihamı qəbul etmir. Yaxın günlərdə cəbhəçilər və onların vəkilləri cinayət işi materialları ilə tanış olacaqlar. Ardından cinayət işi məhkəməyə göndəriləcək.
Xatırladaq ki, AXCP Rəyasət Heyətinin üzvü A.Məhərrəmli, Gənclər Komitəsi Məclisinin sədri R.Nəsirli və partiyanın Nərimanov şöbəsinin sədri B.Həsənov mayın 25-də axşam saatlarında saxlanıblar.
Cəbhəçilərlə eyni cinayət işi üzrə təqsirləndirilən Gədəbəy rayonunun sabiq icra başçısı Saleh Rüstəmli isə daha əvvəl həbs edilmişdi.
Onların saxlanılması ilə bağlı Baş Prokurorluq və Daxili İşlər Nazirliyi (DİN) birgə məlumat da yayıb. Həmin məlumata görə, AXCP funksionerləri və mayın əvvəlində həbs edilmiş keçmiş icra başçısı S.Rüstəmli çirkli pul vəsaitlərini leqallaşdırmaqda ittiham olunurlar.
Açıqlamada S.Rüstəmlinin Rusiyadan AXCP-yə pul göndərdiyi, həbs edilmiş cəbhəçilərin həmin vəsaitləri alıb partiya rəhbərinə çatdırdıqları bildirilir. İddialarda söhbət toplam 412 min dollardan (700 min manat) gedir.
Onlar haqqında Cinayət Məcəlləsinin 192.3.2 (xüsusilə külli miqdarda gəlir əldə etməklə qanunsuz sahibkarlıq), 193-1.3.1, 193-1.3.2 (mütəşəkkil dəstə tərəfindən cinayət yolu ilə əldə edilmiş külli miqdarda pul vəsaitlərini və ya digər əmlakı leqallaşdırma) və s. maddələriylə cinayət işi başlanıb.
AXCP sədri Əli Kərimli isə rəsmi ittihamı rədd edib, cinayət işi və həbslərin AXCP-yə qarşı növbəti repressiya dalğası olduğunu bildirib. -05B-
-
- Cəmiyyət
- 12 Dekabr 2018 16:28
Cəmiyyət
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Bakıda yaşıllıqların məhv edilməsi ictimaiyyətin narahatlığına səbəb olub, belə ki, bütün şəhər ərazisində bir neçə parkda tikinti işlərinin aparıldığı müşahidə olunub və sosial şəbəkələrdə işlərin gedişatını əks etdirən fotoşəkillər yayılıb. Maraqlıdır ki, Nərimanov rayonunda, “Dostluq” kinoteatrının yaxınlığındakı şəhidlər parkında sakinlər ağacların kəsildiyini və yüksək binaların tikintisi üçün ərazilərin hasara alındığını bildirirlər.
-
Çərşənbə axşamı Bakıda və Abşeron yarımadasında yağış yağacağı, bəzi yerlərdə intensiv xarakterli olacağı, şimşək çaxacağı gözlənilir. Şimal-qərb küləyi əsəcək.
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
Rəy yaz