Bakı/13.12.18/Turan: Rusiya Dağlıq Qarabağ münaqişəsinin nizamlanması ilə bağlı Bakı və Yerevan arasında birbaşa dialoqa yardım göstərilməsini davam etdirmək istəyir. Bu barədə RF XİN rəhbəri Sergey Lavrov dekabrın 13-də Bakıda prezident İlham Əliyevlə görüşündə bildirib.
Dekabrın 14-də Bakıda keçiriləcək Qara dəniz İqtisadi Əməkdaşlıq Təşkilatı ölkələri XİN rəhbərlərinin görüşünə toxunan S.Lavrov Azərbaycann altı ay ərzində QİƏT-də uğurlu sədrliyini qeyd edib.
O, RF prezidenti Vladimir Putinin salamını çatdırıb, Rusiya XİN-in saytında dərc olunan məlumatda deyilir.
S.Lavrov həmçinin iki ölkənin iqtisadiyyat nazirlərinin rəhbərlik etdiyi iqtisadi əməkdaşlıq üzrə hökumətlərarası komissiyanın dekabrın 14-də keçiriləcək iclasına toxunub.
Onun fikrincə, iclas dövlət başçılarının razılaşdırdığı istiqamətlər üzrə gələcək irəliləyişə xidmət edəcək - ticarətin sadələşdirilməsi, büdcə və vergi sahəsinin rəqəmsallaşdırılması, nəqliyyat əməkdaşlığı, birgə istehsalatın yaradılması, Rusiya və Azərbaycan reğionları arasında əməkdaşlıq daxil olmaqla, müxtəlif sahələrdə humanitar əlaqələr.
"Biz Azərbaycanla beynəlxalq arenada - BMT, Avropa Şurasında qarşılıqlı əməkdaşlığı qiymətləndiririk. Hazırda təşkilatın nizamnaməsinin əsas müddəalarına yenidən baxılmasına cəhdlər edilir ki, burada AŞ üzvü olan bütün ölkələrin bu təşkilatın bütün strukturlarında bərabər hüququna zəmanət verilir. ATƏT-də də bərabər çalışırıq", - S.Lavrov vurğulayıb.
Qarabağ münaqişəsinə toxunan S.Lavrov qeyd edib ki, Rusiya Dağlıq Qarabağ münaqişəsinin nizamlanması ilə bağlı Bakı və Yerevan arasında birbaşa dialoqa yardım göstərilməsini davam etdirmək istəyir. "Mən bilirəm ki, sizin Ermənistanın baş naziri ilə, mənim həmkarım və dostum, Azərbaycanın xarici işlər naziri Elmar Məmmədyarovun isə xarici işlər nazirinin vəzifəsini icra edən Z.Q.Mnatsakanyanla əlaqələri olub. Bu gün biz sizin qarşıda irəliləyişi necə görməyinizlə bağlı fikirlərinizi dinləməyə hazırıq. İstəyirik ki, bu nizamlanma ədalətli və qarşılıqlı məqbul əsaslarla olsun. Rusiya öz milli keyfiyyəti ilə, Rusiya, ABŞ, Fransa üçlüyünün iştirakçısı və ATƏT-in Minsk Qrupunun həmsədri kimi münaqişənin nizamlanmasına nail olmaqdan ötrü yardım göstərmək üçün hər şeyi edəcək", - S.Lavrov vurğulayıb.-06D--
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz