журналист Фикрет Гусейнли
Fikrət Hüseynlinin məhkəməsi yenidən təxirə salınıb
Bakı/09.02.18/Turan: Fevralın 8-də Kiyev Apellyasiya Məhkəməsi jurnalist Fikrət Hüseynlinin işi üzrə təhqiqata baxışı davam etdirib və yenidən prosesi fevralın 13-dək təxirə salıb. Bu barədə Turan-a jurnalistin özü bildirib.
Onun sözlərinə görə, yanvarın 17-də və 31-də məhkəmə iddiasından əl çəkməsi üçün işi prokurorluğa qaytarmışdı.
Fikrət Hüseynli Azərbaycanda nəşr olunan "Azadlıq" qəzetinin əməkdaşı olub. O, təqiblərlə üzləşdikdən sonra Azərbaycandan Niderlanda mühacirət edib və bu ölkənin vətəndaşlığını alıb. 2017-ci il oktyabrın 14-də jurnalist Kiyevdən Düsseldorfa gedərkən Azərbaycanın sorğusu əsasında İnterpol xəttilə saxlanılıb.
Oktyabrın 18-də Ukraynanın Borispol Şəhər Məhkəməsi onun Azərbaycana ekstradisiyası məsələsinə baxmaq üçün 18 gün müddətinə həbs edib.
F.Hüseynli ittihamları təkzib edib və ona qarşı cinayət işini siyasi sifariş adlandırıb.
Oktyabrın 27-də Kiyevin Lukyanovski Məhkəməsi Ukrayna Ali Radasının deputatı Mikola Knyajitskinin və ictimai xadim Boris Zaxarovun zaminliyi ilə F.Hüseynlini azad edib. Eyni zamanda, məhkəmə dövlət ittihamçısının F.Hüseynlinin Azərbaycana ekstradisiyası haqqında vəsatətini təmin etməyib.
Kiyev prokurorluğu F.Hüseynlinin azad edilməsindən apellyasiya şikayəti verib və onun həbs olunmasını tələb edib. Dekabrın 27-də etiraza baxılması müddəti başa çatıb.
Jurnalist məhkəmə baxışının dalbadal üçüncü dəfə təxirə salınmasını narazılıqla qarşılayır.
"Məhkəmənin uzadılması məni daha uzun müddətə Ukraynada saxlamağa hesablanıb. Görünür, Azərbaycan hakimiyyətindəki hansısa qüvvələrin Ukrayna hakimiyyətində kimlərləsə ciddi əlaqələri var. Bu əlaqələr vasitəsilə məhkəməni uzadırlar və nəticədə proses yekunlaşmır. Bu da mənim sənədlərimin Ukrayna Baş Prokurorluğuna göndərilməsini ləngidir və mən Ukraynada qalmağa məcbur oluram. Ukraynada qaldığım müddətdə faktiki işləyə bilmirəm, işləmədiyim halda bütün xərcləri özüm ödəyirəm. Bu səbəbdən həm də maddi zərərə düşürəm, borclarım getdikcə artır. Hazırda səhhətimdə ciddi problem var. Buranın tanınmış klinikasının həkimləri rəy veriblər ki, əməliyyata ehtiyac var. Təəssüf ki, o rəyi prokurorluğa təqdim etsək də nəticə yoxdur. Ola bilsin ki, gözləyirlər Azərbaycan hakimiyyəti məni oğurlasın, bunlar da desin bizim günahımız yoxdur. Proses yekunlaşmamış Fikrətin günahından onu oğurladılar. Çünki mənə bildirilir ki, məni oğurlamaq üçün plan hazırdır. Sadəcə, uyğun zaman gözləyirlər", -o bildirib.
F.Hüseynli deyib ki, Niderland Xarici İşlər Nazirliyi onun işini daim diqqətdə saxlayır:
"Niderlandın Ukraynadakı səfirliyi ilə daimi əlaqəm var. Sadəcə, onlar məhkəmənin uzadılması məsələsinə qarışa bilmirlər. Çünki sistemi elə qurublar ki, guya, burada qanunsuz hər hansı bir şey yoxdur. Ukrayna qanununa görə, məhkəmələr yekunlaşmamış iş bağlanıb prokurorluğa göndərilə bilməz".
Onun sözlərinə görə, Sərhədsiz Reportyorlar təşkilatı işi daim nəzarətdə saxlayır.
"Lakin onların da bu bürokratiyaya təsir göstərmək imkanları yoxdur", - o qeyd edib. -03B-
-
- İqtisadiyyat
- 9 Fevral 2018 13:42
-
- Maliyyə
- 9 Fevral 2018 13:46
Cəmiyyət
-
Azərbaycanın milli aviadaşıyıcısı AZAL martın 31-dən yay uçuş cədvəlinə keçid edir. Cədvəl oktyabrın 26-dək qüvvədə olacaq. Aviaşirkət yay qrafiki üzrə səyahət üçün geniş istiqamət seçimi təklif edərək, dünyanın 50-dən çox şəhərinə uçuşlar həyata keçirəcək.
-
İnformatika fənni üzrə beynəlxalq olimpiadalara hazırlaşan şagirdlərin "Novruz kamp"-ı təşkil olunub 23-26.03.2024-cü il tarixlərində Şəmkir rayon, Kimya-biologiya təmayüllü liseydə informatika fənnindən beynəlxalq olimpiadalara intensiv hazırlıq məşğələləri təşkil edilib. İntensiv kamp müddətində şagirdlər hər gün beynəlxalq olimpiada formatında yarışlara qoşulub, tapşırıqların izahı sessiyalarında iştirak ediblər. Kamp olimpiadalara hazırlıq komandalarının təlimçiləri, həmçinin öncəki illərdə ölkəmizi müxtəlif müsabiqələrdə uğurla təmsil etmiş məzunların iştirakı ilə keçib.
-
Azərbaycanda cinayət edən uşaqların sayının artdığı bildirilir. Dövlət Statistika Komitəsinin məlumatına görə, 2023-cü ildə ölkədə cinayət törədən 14-17 yaşlı uşaqların sayı 2022-ci illə müqayisədə 14.1 faiz artıb. Ötən il bu yaş qrupuna aid uşaqların 364 cinayət törətdiyi (2022-ci ildə bu rəqəm 311 olub), onlardan 46-sının ağır və xüsusi ağır olduğu bildirilir.
-
Martın 30-da Bakıda hava şəraitinin dəyişkən buludlu olacağı, axşam bəzi yerlərdə arabir yağış yağacağı gözlənilir. Gecə və səhər bəzi yerlərdə duman olacaq. Cənub-qərb küləyi axşam şimal-qərb küləyi ilə əvəz olunacaq. Havanın temperaturu gecə 5-10 dərəcə isti, gündüz 13-18 dərəcə isti olacaq.
Azərbaycanlılar niyə xoşbəxt deyillər? – Samirə Qasımlı Çətin sualda
InvestPro Azerbaijan Baku & Turkiye Istanbul 2024 – two conferences in one shot
Əziz Bakı şəhəri sakini!
Siz də Qlobal İqlim Dəyişmələri ilə mübarizəyə öz töhfənizi verə bilərsiniz
Dear resident of Baku city!
You too can contribute to the fight against Global Climate Change
Дорогой житель города Баку!
Вы тоже можете внести свой вклад в борьбу с глобальным изменением климата
Xəbər lenti
-
- Cəmiyyət,
- 14:02
- 144
Rəy yaz