Azərbaycanda qanunsuz miqrasiya ilə məşğul olan Pakistan və Hindistan vətəndaşları saxlanılıb
Bakı/13.02.18/Turan: Pakistan vətəndaşı Sajid Fraz, Hindistan vətəndaşları Mohammad Shakir, Alimuddin Shaikh, SK Allarakhan mütəşəkkil dəstə tərkibində qanunsuz miqrasiyanın təşkili və özgənin külli miqdarda əmlakını dələduzluqla ələ keçirmədə ittiham edilərək Azərbaycan məhkəməsinin qərarı ilə barələrində həbs qətimkan tədbiri seçilib.
Bu barədə Azərbaycan Dövlət Miqrasiya Xidməti və Baş Prokurorluğun mətbuat xidmətləri birgə məlumat yayıb.
Dövlət Miqrasiya Xidməti tərəfindən 29 yanvar - 1 fevralda keçirilmiş tədbirlər nəticəsində mütəşəkkil dəstədə birləşmiş bir qrup şəxs tərəfindən 2017-ci ilin oktyabrından başlayaraq Hindistanın 89 vətəndaşının külli miqdarda pul vəsaitlərinin ələ keçirilərək Azərbaycanda işlə təmin edilməsi adı ilə Bakı şəhərinə turist kimi gətirilmələri, yerləşdirilmələri, viza müddətləri bitməsinə baxmayaraq Azərbaycan ərazisində qanunsuz qalmaları müəyyən edilib.
Faktla bağlı Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 178.3.1, 178.3.2 (mütəşəkkil dəstə tərəfindən özgənin külli miqdarda əmlakını dələduzluqla ələ keçirmə), 318-1.2.1 və 318-1.2.3-cü (mütəşəkkil dəstə tərəfindən qanunsuz miqrasiyanın təkrarən təşkili) maddələri ilə cinayət işi başlanaraq prokurorluğun və Daxili İşlər Nazirliyinin əməkdaşlarından ibarət istintaq qrupu yaradılıb.
Aparılmış ilkin istintaq hərəkətləri ilə müəyyən edilib ki, Hindistan vətəndaşı Mohammad Sakir və digərləri Hindistan vətəndaşlarını işlə təmin etmək vədi ilə Azərbaycana gəlmələrini, onların hava limanında qarşılanmalarını, əvvəlcədən müəyyən edilmiş yaşayış sahələrində yerləşdirilmələrini təşkil edərək, ölkədə yaşamalarının qanuniləşdirilməsi üçün hər birindən 400-800 ABŞ dolları məbləğində pul alıb.
Xəbərdə bildirilir ki, zəruri istintaq hərəkətlərinin icrası yekunlaşdıqdan sonra cinayət əməllərindən zərər çəkmiş şəxslər vətəndaşı olduqları ölkəyə göndəriləcək. -03D-
-
- Maliyyə
- 13 Fevral 2018 12:57
-
- İqtisadiyyat
- 13 Fevral 2018 13:17
Cəmiyyət
-
Azərbaycan Nazirlər Kabineti müntəzəm sərnişin daşımalarında istifadə olunan nəqliyyat vasitələrinin rənglərini müəyyənləşdirib. Müvafiq sənəd martın 28-də təsdiq edilib.
-
Cümə günü Bakıda və Abşeronda hava dəyişkən, yağıntısız olacaq. Axşam bəzi yerlərdə duman olacaq. Cənub-qərb küləyi əsəcək. Havanın temperaturu gecə müsbət 5+9, gündüz müsbət 12+17 dərəcə olacaq.
-
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları “NARKOTƏLƏ” şərti adı altında martın əvvəlindən bu günə kimi narkotiklərin qanunsuz dövriyyəsinə qarşı paytaxt və bölgələrdə 30-a yaxın əməliyyat keçirib. Əməliyyatlarla “qara bazar”da dəyəri 6 milyon manat olan 157 kiloqram, o cümlədən 91 kiloqram tərkibi psixotrop maddələrlə zənginləşdirilmiş marixuana, 42 kiloqram heroin, 17 kiloqram metamfetamin, 7 kiloqram tiryək, həmçinin digər növdən olan narkotik vasitə, 12 min 211 ədəd psixotrop tərkibli metadon, tramadol, “Lirika” həbi, 1 ədəd “Makarov” tapançası, 13 ədəd patron və 2 ədəd patron sandıqçası ələ keçirilib, bu barədə DİN-in məlumatında deyilir.
-
Bakıda metronun "28 May" stansiyasının yuxarı hissəsində yerləşən dayanacaqda qiymətlər artıb. Sürücülər bildirir ki, əvvəl də həmin ərazidə parkinq olub, amma qiymətlər daha ucuz idi. İndi isə parklanma qiymətləri 15-30 dəqiqə üzrə 1 manatdan başlayır, 20-24 saat üçün isə 30 manatda başa çatır. Növbəti sutka üzrə də 30 manat nəzərdə tutulur. Əvvəl həmin dayanacaqda 1 saatın qiymətinin 1 manat olduğu deyilir.
Rəy yaz