Азад Рагимов
Bakı/13.02.18/Turan: Azərbaycan "Formula-1" yarışlarının keçirilməsinə ümumi dəyərin 80%-ni qoyur. Bu barədə Azərbaycanın gənclər və idman naziri Azad Rəhimov TASS-a bildirib, ancaq yarışların məbləğini açıqlamayıb.
Azərbaycan ancaq bilet satışından gəlir götürür. "Bizim özümüzün reklam yeri olmayınca, sponsorları cəlb edə bilmərik. Bütün reklam "Formula-1"ə məxsusdur", nazir bildirib. 2018-cildə Azərbaycanda Qran-pri aprelin 27-dən 29-dək keçiriləcək.
Bu gün dövlət başçısı İlham Əliyev Formula-1 Qrupunun baş icraçı direktoru Çeyz Kerini qəbul edib. Rəsmi məlumatda danışıqların təfərrüatı açıqlanmır.
Ancaq A.Rəhimovun bəyanatından görünür ki, Azərbaycan indiki şərtlərdən razı deyil. Bəzi şərtlər üzrə hökumət bilet satışının hesabına yarışların təşkili xərclərini ödəyə bilmir.
2016-cı ildə A.Rəhimov demişdi ki, yarışların keçirilməsi üçün xərclər 100 mln. manatı (66 mln. dollar) ötməyəcək.
Lakin qeyri-rəsmi məlumatlara görə, yarışların keçirilməsinə Azərbaycanın investisiyası 300 mln. dollar təşkil edib.
Bundan sonra təşkilatçılar beş il ərzində hər il yarışların keçirilməsinə xeyli vəsait sərf etməlidir. Yarışlardan imtina olunarsa Azərbaycan 100 mln. dollar cərimə ödəməlidir, A.Rəhimov müsahibələrinin birində bildirib.
Bilet satışına gəlincə, A.Rəhimov etiraf edib ki, 2016-cı ildə bilet satışından 1, 32 mln. dollar gəlir əldə edilib.
Bütün bunların fonunda Azərbaycan hakimiyyəti bu cür bahalı tədbirləri niyə keçirdiyinin səbəblərini açıqlaya bilmir.-02D-
Cəmiyyət
-
Aprelin 25-də Bakıda və Abşeron yarımadasında yağmursuz, günəşli hava şəraiti davam edəcək. Mülayim cənub küləyi əsəcək. Havanın temperaturu gündüz 23-28 dərəcə təşkil edəcək.
-
Aprelin 24-də Bakıda və Abşeronda yağıntı gözlənilmir. Mülayim şimal-qərb küləyi əsəcək, gündüz cənub-şərq küləyinə keçəcək. Gündüz havanın temperaturu müsbət 29 dərəcəyə yüksələcək.
-
Avropa Şurası Parlament Assambleyasının (AŞPA) Azərbaycan üzrə həmməruzəçisi, norveçli deputat Liz Kristoffersen Azərbaycanın bu quruma qayıtması üçün Nazirlər Komitəsində danışıqlar getdiyini bildirib. "Biz Azərbaycanı Assambleyada görmək istəyirik. Bunun üçün Azərbaycan hakimiyyəti müəyyən güzəştlərə getməlidir və bir sıra tələbləri yerinə yetirməlidir", - Kristoffersen deyib.
-
Narkomaniyaya qarşı yönəlmiş sosial kampaniya gəncləri zərərli vərdişlərdən çəkindirmək, sağlam həyat tərzi və idmana təşviq etmək məqsədi daşıyır “Azercell Telekom” MMC Azərbaycan Cüdo Federasiyası ilə əməkdaşlıqda həyata keçirdiyi genişmiqyaslı silsilə layihənin növbəti mərhələsini elan edir. "Doğru yol budur" sosial kampaniyası yeniyetmə və gəncləri zərərli vərdişlərdən çəkindirmək məqsədi daşıyır. Layihə cəmiyyətimizdə xüsusilə gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
Rəy yaz