�Monitor� jurnalının xüsusi buraxılışının təqdimatı
Bakı/02.03.18/Turan: "Monitor" jurnalının baş redaktoru Elmar Hüseynovun ölümünün 13-cü ildönümündə eyniadlı jurnalın xüsusi buraxılışının təqdimatı keçirilib. Jurnalda ictimai və siyasi xadimlərin jurnalistə həsr etdikləri məqalələr, onun haqqında xatirələr, həmçinin Elmar Hüseynovun Azərbaycan dilinə tərcümə olunmuş məqaləsi yer alıb.
Mərasim E.Hüseynovun xatirəsini bir dəqiqəlik sükutla başlayıb. E.Hüseynov 2005-ci il martın 2-də öz evinin girəcəyində muzdlu qatilin tapançadan açdığı atəşlə öldürülüb. Qətlin təşkilatçıları və icraçılarından heç kim cəzalandırılmayıb.
Xüsusi buraxılışın təsisçisi İsmayıl İslamoğlu deyib ki, nəşr öz həyatını müstəqil Azərbaycan jurnalistikasının fenomeni - "Monitor" jurnalına həsr eləmiş Elmar Hüseynovun xatirəsinə töhfədir.
"Öncə biz monitortv.az saytını yaratmağı qərara almışdıq. Ancaq əvvəlcə onu blokladılar, sonra tamamilə məhv etdilər. Bundan sonra biz domeni dəyişməyə məcbur olduq. Sonra "Monitor" jurnalını buraxmağı qərara aldıq. Ancaq yenə də müəyyən çətinliklərlə qarşılaşdıq. Buna baxmayaarq, xüsusi buraxılış işıq üzü gördü", - İ.İslamoğlu bildirib.
"Monitor" jurnalında dərc edilən məqalələr gündəmə cavab verirdi, onlar bu gün də öz aktuallığını saxlayır", - Turan İnformasiya Agentliyinin direktoru Mehman Əliyev bildirib.
O qeyd edib ki, Elmar qeyri-adi uzaqgörənliyi ilə fərqlənirdi, bugünkü böhranı görürdü və bu barədə hakimiyyəti xəbərdar etməyə çalışırdı ki, o, öz yalnış siyasətindən əl çəksin.
Tanınmış media eksperti, jurnalist Qulu Məhərrəmli Elmar Hüseynovun təmsilçisi olduğu müasir jurnalistikanın rolunu qeyd edib.
"Dövlətçiliyin və müstəqilliyin möhkəmləndirilməsi üçün hakimiyyətin üzərində ictimai nəzarət lazımdır. Elmar bununla məşğul idi. O, Azərbaycan jurnalistikasının tarixində parlaq səhifədir",- Q.Məhərrəmli vurğulayıb.
"Xural" saytının baş redaktoru Əvəz Zeynallı Elmarı Azərbaycan jurnalistikasının ən vacib rəmzi adlandırıb. Onun işi davam etdirilir və bu, mütləq müstəqil mətbuatın qələbəsi ilə nəticələnəcək.
Çıxışlarda korrupsiya, özbaşınalıq, səriştəsizlik və digər neqativ hallara qarşı mübarizədə Elmar Hüseynovun rolundan danışılıb.
Tədbirdə Elmar Hüseynova həsr olunmuş videoçarx nümayiş etdirilib.-0-
-
- Cəmiyyət
- 2 Mart 2018 18:32
Cəmiyyət
-
Aprelin 24-də Bakıda və Abşeronda yağıntı gözlənilmir. Mülayim şimal-qərb küləyi əsəcək, gündüz cənub-şərq küləyinə keçəcək. Gündüz havanın temperaturu müsbət 29 dərəcəyə yüksələcək.
-
Avropa Şurası Parlament Assambleyasının (AŞPA) Azərbaycan üzrə həmməruzəçisi, norveçli deputat Liz Kristoffersen Azərbaycanın bu quruma qayıtması üçün Nazirlər Komitəsində danışıqlar getdiyini bildirib. "Biz Azərbaycanı Assambleyada görmək istəyirik. Bunun üçün Azərbaycan hakimiyyəti müəyyən güzəştlərə getməlidir və bir sıra tələbləri yerinə yetirməlidir", - Kristoffersen deyib.
-
Narkomaniyaya qarşı yönəlmiş sosial kampaniya gəncləri zərərli vərdişlərdən çəkindirmək, sağlam həyat tərzi və idmana təşviq etmək məqsədi daşıyır “Azercell Telekom” MMC Azərbaycan Cüdo Federasiyası ilə əməkdaşlıqda həyata keçirdiyi genişmiqyaslı silsilə layihənin növbəti mərhələsini elan edir. "Doğru yol budur" sosial kampaniyası yeniyetmə və gəncləri zərərli vərdişlərdən çəkindirmək məqsədi daşıyır. Layihə cəmiyyətimizdə xüsusilə gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
-
Azərbaycanın neftlə zəngin tarixinin salnaməsində Vitold Zqlenitskinin adı bəlkə də dərhal yada düşmür, lakin 19-cu əsrin sonu-20-ci əsrin əvvəllərində neft sənayesinin inkişafına verdiyi töhfə dərin və qalıcıdır. Aprelin 22-də Polşanın Azərbaycandakı səfirliyi Zqlenitski irsini onun həyatından ətraflı bəhs edən kitabın təqdimatı ilə qeyd etdiyi üçün suallar yaranır ki, niyə bu görkəmli şəxsiyyət Bakı küçələrində və abidələrində diqqətdən kənarda qalır.
Rəy yaz