Kestutis Yankauskas
- İqtisadiyyat
- 16 Mart 2018, 17:01
- 79
Aİ Bakı Limanına milyonluq dəstək verir
Bakı/16.03.18/Turan: Avropa İttifaqı (Aİ) Ələtdə yerləşən yeni Bakı Limanında əməliyyat imkanlarının genişləndirilməsinə 1 milyon avro dəyərində dəstək verəcək.
Bu haqda martın 16-da "Ələtdə yerləşən yeni Bakı Limanı əməliyyat imkanlarının genişləndirilməsinə Aİ-nin dəstəyi" layihəsinin təqdimat mərasimində məlumat verilib.
Tədbirdə Aİ rəsmiləri, Bakı limanının təmsilçiləri iştirak ediblər.
"Bakı Beynəlxalq Dəniz Ticarəti Limanı" Qapalı Səhmdar Cəmiyyətinin baş direktoru Taleh Ziyadov layihənin iki il ərzində həyata keçiriləcəyini bildirib. Onun sözlərinə görə, Avropa İttifaqı layihə çərçivəsində Bakı limanının inkişafına ciddi dəstək verəcək.
"Layihə limanın əməliyyatlarının daha da təkmilləşdirilməsinə imkan verəcək. Eyni zamanda, təcrübənin artırılmasına, Avropa İttifaqının limanları ilə əməkdaşlığın inkişafına xidmət edəcək. Bu layihə Bakı limanının regionda öncül bir liman statusuna çatdırılması üçün yardım mexanizmi rolunu oynayacaq", o, qeyd edib.
Avropa İttifaqının Azərbaycan ofisinin rəhbəri Kestutis Yankauskas təqdimatı olan layihənin Bakı Limanı ilə bağlı ilk layihə olmadığını ifadə edib. Onun sözlərinə görə, bundan əvvəl bu istiqamətdə 2.6 milyonluq dəstək göstərilib.
K.Yankauskas Azərbaycandakı infrastrukturdan razılıq edib. O, deyib ki, icrasına başlanan layihə Bakı Limanının müasir texnologiyalarla təmin edilməsinə xidmət edəcək.
Bakı Limanına proqram təminatı sahəsində dəstək veriləcəyini də qeyd edən Aİ rəsmisi dəstəyin idarəetmə, insan resursları, informasiya texnologiyaları sahəsini də əhatə edəcəyini bildirib.--0--
-
- Siyasət
- 16 Mart 2018 16:21
İqtisadiyyat
-
Azərbaycana idxalda Çin liderlik edir. Dövlət Statistika Komitəsinin (DSK) məlumatına görə, bu ilin yanvar-fevral aylarında Azərbaycanın hüquqi və fiziki şəxsləri 84 ölkəyə məhsul ixrac edib, 134 ölkədən idxal həyata keçiriblər. Xarici ticarət dövriyyəsi 6 milyard 428.2 milyon ABŞ dolları olub. Onun 2 milyard 651 milyon dollarını (31.7 faiz) idxal təşkil edib.
-
Mayın 3-də Azərbaycan və Səudiyyə Ərəbistanı enerji tərəfdaşlığının gücləndirilməsində mühüm addım olan bərpa olunan enerji və iqlim dəyişikliyi təşəbbüsləri üzrə birgə səylərin genişləndirilməsinə yönəlmiş əsas sənədlər imzaladılar.
-
Sosial-İqtisadi Transformasiya İnstitutu (ISET), CASE analitik mərkəzi və İqtisadi Ekspertiza Platforması tərəfindən aparılan son araşdırma nəticəsində məlum olub ki, Azərbaycan Respublikası Dövlət Neft Şirkəti (SOCAR) ötən il Ukraynada vergi ödəyən yanacaqdoldurma məntəqələri siyahısında birinci yerdədir. “tsn.ua” xəbər verir ki, araşdırmaya əsasən, 2023-cü ildə SOCAR üç rübdə yanacaq vergisini, iki rübdə isə əmək haqqı vergisini ödəmək üzrə lider olub.
-
Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf mayın 2-də Ukraynanın “Naftoqaz” şirkətinin baş direktoru Aleksey Çernışov ilə görüşüb və neft-qaz sənayesində əməkdaşlığın genişləndirilməsi məsələlərini müzakirə edib. SOCAR-ın bəyanatına görə, müzakirələrdə Azərbaycan qazının Ukraynada saxlanması imkanları müzakirə edilib və daha geniş enerji məsələləri, o cümlədən enerjiyə keçid və karbonsizləşdirmə məsələləri müzakirə olunub.
Rəy yaz