Hərbi atteşelər Sərhəd Xidmətində olub

Baki/19.03.18/Turan: 17 dövləti Azərbaycanda təmsil edən 27 hərbi attaşe heyəti Dövlət Sərhəd Xidmətinin (DSX) Sahil Mühafizəsinin bazasında və "Sərhədçi" İdman-Olimpiya Mərkəzində olub.

Bu haqda DSX-nin mətbuat mərkəzinin məlumatında bildirilir.

Atteşelərə sahil mühafizəsinin xidməti-döyüş fəaliyyətinə dair təqdimat keçirilib. Onlara dəniz sərhədlərinin təhlükəsizliyinin təmin edilməsi, həmsərhəd və xarici ölkələrin müvafiq qurumları ilə əməkdaşlıq çərçivəsində həyata keçirilmiş tədbirlər barədə ətraflı məlumat verilib.

Ziyarətçilər bazanın fəaliyyəti və mövcud imkanları, o cümlədən qərargah binası, Birgə Komanda İdarəetmə Mərkəzi, tədris mərkəzinin xarici dil, dalğıc, baxış qruplarının hazırlanması sinifləri, gəmi inşası və təmiri mərkəzində inşa edilmiş sərhəd gözətçi gəmilərinin texniki göstəriciləri ilə tanış olublar.

"Sərhədçi" İdman-Olimpiya Mərkəzinə səfər zamanı mərkəzin binalar kompleksi, o cümlədən universal zalı, meydançaları, üzgüçülük hovuzu, mehmanxanası və digər maddi-texniki imkanları qonaqlara nümayiş etdirilib.--0--