Mehman Əliyev Rövnəq Abdullayevə müraciət edib
Hörmətli, cənab Abdllayev
Konstitusiyanın 50-ci maddəsi və "İnformasiya əldə etmək haqqında" Azərbaycan Respublikası Qanununa müvafiq olaraq aşağıdakı məsələlərlə bağlı məlumat verilməsini xahiş edirəm:
7 may 2018-ci ildə Sizə Buzovna qəsəbəsində əhalinin qazla təminatı ilə bağlı vəziyyətdən bəhs edən məktub göndərmişdim.
Məktubda istehlakçıların "Qaz təchizatı haqqında", "İstehlakçıların hüquqlarının müdafiəsi haqqında" qanunlar və Nazirlər Kabinetinin "Qazdan istifadə qaydaları" ilə qorunan hüquqlarının kütləvi şəkildə pozulması qeyd edilir.
Həmçinin bildirmişdik ki, "Azəriqaz"ın "185" nömrəsinə edilən müntəzəm zənglər heç bir nəticə vermir. Yəni bu günə kimi 7 ml/bar təzyiqi ilə qaz verilməsi bərpa edilməyib.
Bundan əlavə, mayın 7-də saat 09:00-dan 18:00-dək Buzovna kəndində qaz kəsilib. Bu vəziyyət keçən həftə də qeydə alınıb. Əvvəllər bu cür hallar müntəzəm xarakter daşıyırdı və bu barədə Sizə dəfələrlə məlumat vermişəm. Bununla bağlı Sizdən vəziyyətdə düzələcəyi barədə rəsmi təminat da aldım.
Yaranan vəziyyətlə bağlı sualları cavablandırmanızı xahiş edirəm:
1.Niyə SOCAR istehlakçılara qaz verilməsi ilə bağlı qanunvericiliyə və normativlərə riayət etmir (söhbət standartlara uyğun olmayan təzyiqdən və fasiləsiz təminat haqda qanunun müddəalarının pozulmasından gedir)?
2.Qazın təzyiqinin təyin edilən normativdən aşağı salınması və həftənin müəyyən vaxtlarında və saatlarında qazın kəsilməsi barədə göstərişi hansı vəzifəli şəxs verib?
3.Qazpaylayıcı şəbəkədə təzyiqin aşağı salınması, mütəmadi olaraq müəyyən saatlarda qazın kəsilməsi barədə Sizə məlumat verilibmi?
4.İstehlakçıların "185" xidmətinə müraciətinə vəzifəli şəxslər necə reaksiya verməlidir?
5."Qaz təchizatı haqqında" qanunun tələblərinə uyğun olaraq qaldırılan məsələlərə etinasızlıq və ya problemlərin həll edilməməsinə görə məsul şəxslərə qarşı hansı tədbirlər görülür?
6.Qanunvericiliyə və normativ tələblərə uyğun olaraq Buzovna qəsəbəsinə qaz verilməsini bərpa etmək üçün hansı müddətdə hansı tədbirləri görməyə hazırlaşırsınız?
7.İstehlak şəbəkəsində qazın təzyiqi necə olmalıdır, qaz hansı dövriliklə verilməlidir (daimi, müəyyən saatlarda və başqa necə)?
Hörmətilə, Mehman Əliyev, Turan İA direktoru
-
- İqtisadiyyat
- 11 May 2018 15:10
Söz istəyirəm
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
-
Azərbaycan Dövlət Kütləvi İnformasiya vasitələri və “yalançının kor şahidi” qismində çıxış edən yandaş media erməni əsirliyində olan adamlara verilən ağır işgəncələr haqqında tez-tez heyrətləndiricü söhbətlər, əsirin şəxsiyyətinin və ləyaqətinin alçaldılması haqqında süjetlər, söhbətlər, müsahibələr verirlər.
-
Belə getsə London Yüksək Məhkəməsi böyük uyğur mütəfəkkiri Mahmud Kaşğarinin və onun təkrarsız dil abidəsi olan "Divanü Lüğat-it-Türk" əsəri üzərinə də həbs qoyacaq. Dünən oxudum ki, Mahmud Kaşqari adına Beynəlxalq Fondun təsisçiləri xalq yazıçısı Anar və Elxan Zal Qaraxanlı Fondun yeni rəhbəri kimi Milli Məclisin deputatı Cavanşir Feyziyevin namizədliyini irəli sürüblər. Cavanşir Feyziyev Mahmud Kaşqari adına Beynəlxalq Fondun yeni prezidenti oldu.
-
Mübarək Ramazan ayı şərəfinə sizə yardım və ədalət üçün müraciət edirəm. Düşmənlərimizin əməllərinin ailəmizi qaranlığa qərq etməsindən, bizi xoşbəxtlikdən, əmin-amanlıqdan məhrum etməsindən 9 il ötür. Bu gün qardaşımla birlikdə bizi sonuncu mənzilimizdən də məhrum etməyə çalışırlar. Bu hərəkət ölkəmizin qanunlarını pozmaqla yanaşı, bütün dünyada dəstəklənən fundamental mənzil hüququna da məhəl qoymur. Qeyd edək ki, sözügedən əmlak qardaşım Cahangir Hacıyevin Azərbaycan Beynəlxalq Bankında vəzifəyə başlamazdan xeyli əvvəl, 1990-cı illərdə alınıb.
Sanksiya xəbərləri fonunda Azərbaycanda baş verən həbslər... – Rüfət Səfərov Çətin sualda
InvestPro Azerbaijan Baku & Turkiye Istanbul 2024 – two conferences in one shot
Xəbər lenti
-
- Maliyyə,
- 11:54
- 317
Rəy yaz