Qurban yarmarkalarına start verilir
Bakı/20.08.18/Turan: Avqustun 22 və 23-də qeyd olunacaq Qurban bayramı ilə əlaqədar avqustun 21-dən 3 gün ərzində Bakıda və bölgələrdə iri və xırdabuynuzlu heyvanların satış yarmarkaları təşkil olunacaq. Bu barədə Kənd Təsərrüfatı Nazirliyi məlumat yayıb.
Yarmarkalara təxminən, 35 min baş heyvanın çıxarılması nəzərdə tutulur. Yarmarkalar Qida Təhlükəsizliyi Agentliyinin müəyyən etdiyi məntəqələrdə təşkil olunacaq. Satış yarmarkaları Bakı şəhərinin 32 nöqtəsində, Gəncə, Neftçala, Lənkəran, Şəki, Şirvan, Quba, Ağdaş, Şamaxı, Göyçay, İsmayıllıda təşkil olunacaq. Qonşu ölkələrdən xırdabuynuzlu heyvanların gətirilməsində məqsəd bazarda bolluq yaratmaq, qiymətləri sabitləşdirməkdir.
Bundan başqa bölgələrdə fəaliyyət göstərən fermerlər yarmarkalara, ümumilikdə, 13 min baş heyvan çıxaracaq. Nazirliyin tabeliyində olan təsərrüfatlardan isə yarmarkalara təxminən 1000-1500 baş iri və xırda buynuzlu heyvanlar gətiriləcək.
Satış yarmarkaları aşağıdakı məntəqələrdə fəaliyyət göstərəcək: Bakının Nərimanov, Suraxanı, Binəqədi, Xətai, Yasamal, Nizami, Səbayel, Xəzər, Qaradağ Sabunçu rayonlarında.
Bundan əlavə, Gəncə, Neftçala, Şamaxı, Göyçay, İsmayıllı, Lənkəran, Ağdaş, Quba, Şirvan və Şəkidə bayram yarmarkaları təşkil ediləcək.
Xatırladaq ki, Qurban bayramı islam dininin iki böyük bayramından biridir və bu il Qurban bayramı avqustun 22-i, 23-nə təsadüf edir. -05D-
-
- Cəmiyyət
- 20 Avqust 2018 21:00
Cəmiyyət
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
Rəy yaz