Bakı/17.09.18/Turan: Reportyorların Azadlıq və Təhlükəsizlik İnstitutu ölkənin media və vətəndaş cəmiyyəti nümayəndələrinin Azərbaycan hakimiyyətinə Firəngiz Hüseynovanın - həbsdə olan Mehman Hüseynov və mühacirətdə olan Emin Hüseynovun analarının ölüm səbəblərini obyektiv araşdırmaq çağırışı yer alan birgə bəyanatını yayıb.
"İyulun 15-də xəstəxanaya yerləşdirilən Firəngiz Hüseynova avqustun 5-dən 6-a keçən gecə oğlu Mehmanı görmədən dünyasını dəyişib, məhz oğlunun həbsi onu səhhətinin pisləşməsinə əsas səbəb olub", deyə bəyanatda bildirilir.
Mehmanın həbsi Firəngiz Hüseynova üçün ikinci ciddi sarsıdıcı zərbə idi. 2014-ci ilin avqustun 8-də Azərbaycan Baş Prokurorluğu Reportyorların Azadlığı və Təhlükəsizliyi İnstitutu və Azərbaycanda insan hüquqları sahəsində çalışan digər yerli və xarici QHT-ə qarşı açılmış cinayət işi çərçivəsində onun evinə basqın edərək axtarış aparıb. O, 2014-cü ilin ortalarında vətəndaş cəmiyyətinə qarşı başlanmış repressiyalar çərçivəsində həbsdən yayınmaq üçün 2014-cü ilin avqust ayından 2015-ci ilin iyun ayına qədər İsveçrənin Bakıdakı səfirliyində gizlənməyə məcbur olan Emin Hüseynovun qaçması ilə bağlı iki dəfə qanunsuz olaraq.
Böyük oğlu Eminin İcveçrədə məcburi siyasi mühacirətdə, ortancıl oğlu İbrahimin müddətli hərbi xidmətdə olması səbəbindən yalnız Mehman anasının sağlamlığının qayğısına qala bilə və ağır günlərində ona mənəvi dəstək ola bilərdi. Vəkillərin və Mehmanın hakimiyyətə çoxsaylı müraciətlərinə baxmayaraq, hakimiyyət ona azadlığa çıxmağa və anasının sağlamlığının qayğısına qalmağa, ona zəruri mənəvi dəstək verməyə imkan vermədi.
Ona yalnız anasının dəfnində iştirak etməyə imkan verdilər, deyə bəyanatda bildirilir.
Bir aydan çoxdur istintaq orqanları Hüseynovlar ailəsinin vəkillərinə 2018-ci ilin avqustun 6-da günorta saatlarında keçirən patoloji-anatomiya ekspertizasının rəyin təqdim etməkdən imtina edirlər.
Bu, rejim tənqidçilərinin yaxud onların qohumlarının xəstəxanada müammalı şəraitdə vəfat etdiyi ilk hal deyil.
Bəyanat müəllifləri Azərbaycan hakimiyyətini Firəngiz Hüseynovanın ölümünün araşdırılmasını sürətləndirməyə, ailəsini zərərçəkmiş tərəf kimi tanımağa, həmçinin alternativ araşdırma aparmaq üçün vətəndaş cəmiyyətinə hər cür köməklik göstərməyə çağırırlar.
"Biz həmçinin Azərbaycanda bütün vicdan məhbuslarının həbsdən azad edilməsini tələb edir və Azərbaycan hakimiyyətini tənqidçilərinə, onların ailə üzvlərinə, həmçinin bütövlükdə vətəndaş cəmiyyətinə qarşı repressiyalara son qoymağa çağırırıq", deyə bəyanatın sonunda qeyd edilir. -06D-
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz