Repressiya və İgəncələr Əleyhinə Komitə: Oqtay Gülalıyevin hadisəsi qorxu yaratmaq məqsədilə törədilmiş sui-qəsddir
Bakı/08.11.19/Turan: "Hüquq müdafiəçisi, Repressiya və İşgəncələr Əleyhinə Komitəsinin koordinatoru Oqtay Gülalıyevin hadisəsi onun prinsipial ictimai fəaliyyətinə son vermək və başqalarında da qorxu yaratmaq məqsədilə törədilmiş sui-qəsd və terror hadisəsidir."
Bu sözlər "Repressiya və İgəncələr Əleyhinə Komitə"nin toplantısında deyilib.
Toplantıda son günlərin repressiya və işgəncə faktları, hüquq müdafiəçisi Oqtay Gülalıyevlə bağlı hadisənin ictimai araşdırmasına aid ilkin qənaətlər və bu istiqamətdə görüləcək işlər, həmçinin komitənin qarşısında duran əsas vəzifələr müzakirə edilib.
Tədbirdə komitə üzvləri, media təmsilçiləri, işgəncələrə məruz qalmış şəxslərin ailə üzvləri iştirak edib.
Komitə üzvü Əlövsət Sadıqlı deyib ki, Oqtay Gülalıyevin vurulma anının video-görüntüsünün hüquqşünaslar və hüquq müdafiəçiləri tərəfindən təhlili baş vermiş hadisənin qəza yox, qəsdən adam öldürməyə hesablanmış cinayət hərəkəti olduğunu iddia etməyə əsas verir.
Onun sözlərinə görə, siyasi məhbuslar üzrə araşdırmalarla məşğul olan hüquq müdafiəçilərinə qarşı gözlənilən bütün təqib, təzyiq, təhdid, həbs və ya qəsd halları üçün məsuliyyət mövcud hakimiyyətin üzərinə düşəcək.
Komitənin digər üzvü Rövşən Əhmədli deyib ki, Oqtay Gülalıyevin işi ilə bağlı xüsusi istinaq qrupu yaradılmalıdır.
Rövşən Əhmədli son günlərin repressiya və işgəncə faktlarına da toxunub.
Repressiya və İgəncələr Əleyhinə Komitənin üzvü Eldəniz Quliyev deyib ki, komitə fəaliyyətini davam etdirəcək, müvəqqəti olaraq komitənin koordinatoru seçiləcək.
Oktyabrın 29-da Bakının mərkəzində tanınmış hüquq müdafiəçisi Oqtay Gülalıyevi maşın vurub.O, kəllə-beyin travması alıb, beyninə qan sızıb.
Bir neçə saatdan sonra Gülalıyev komaya düşüb. Oktyabrın 30-da Bakıda nevro-cərrahiyyə əməliyyatı edilib.
Oqtay Gülalıyevi müayinə etmək üçün noyabrın 5-də Heydər Əliyev Fondunun dəvətilə gələn türkiyəli mütəxəssislər onun müalicə üçün Türkiyəyə aparılmasını tövsiyə ediblər.
Noyabrın 6-da o, AZAL şirkətinin xüsusi reysilə İstanbula aparılıb və “Avrasiya” klinikasına yerləşdirilib. Ailəsi hüquq müdafiəçisinin vəziyyətinin kritik olduğunu deyir.
-
- Cəmiyyət
- 8 Noyabr 2019 16:43
Cəmiyyət
-
Narkomaniyaya qarşı yönəlmiş sosial kampaniya gəncləri zərərli vərdişlərdən çəkindirmək, sağlam həyat tərzi və idmana təşviq etmək məqsədi daşıyır “Azercell Telekom” MMC Azərbaycan Cüdo Federasiyası ilə əməkdaşlıqda həyata keçirdiyi genişmiqyaslı silsilə layihənin növbəti mərhələsini elan edir. "Doğru yol budur" sosial kampaniyası yeniyetmə və gəncləri zərərli vərdişlərdən çəkindirmək məqsədi daşıyır. Layihə cəmiyyətimizdə xüsusilə gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
-
Azərbaycanın neftlə zəngin tarixinin salnaməsində Vitold Zqlenitskinin adı bəlkə də dərhal yada düşmür, lakin 19-cu əsrin sonu-20-ci əsrin əvvəllərində neft sənayesinin inkişafına verdiyi töhfə dərin və qalıcıdır. Aprelin 22-də Polşanın Azərbaycandakı səfirliyi Zqlenitski irsini onun həyatından ətraflı bəhs edən kitabın təqdimatı ilə qeyd etdiyi üçün suallar yaranır ki, niyə bu görkəmli şəxsiyyət Bakı küçələrində və abidələrində diqqətdən kənarda qalır.
-
Dövlət Sərhəd Xidmətinin Sahil Mühafizəsi Xəzərin Azərbaycan sektorunda dövlət sərhədini pozan İrana məxsus qayığı saxlayıb, bu barədə bu qurumun 22 aprel tarixli məlumatında deyilir.
-
1 saylı Bakı İstintaq Təcridxanasında saxlanılan Azərbaycan Xalq Cəbhəsi Partiyasının (AXCP) fəalı Elnur Həsənov 5 gündür quru aclığı davam etdirir. Bu barədə aprelin 22-də Elnur Həsənovla telefon danışığından sonra AXCP-dən Turan-a bildiriblər.
Rəy yaz