Baş Prokurorluq vəkil Nemət Kərimlinin cəzalandırılmasına təşəbbüs göstərib
Bakı/07.12.19/Turan: Azərbaycan Baş Prokurorluğu Vəkillər Kollegiyasına bu qurumun üzvü Nemət Kərimlidən şikayət edib. Bu barədə hüquqşünasın özü məlumat verib.
N.Kərimlinin sözlərinə görə, Vəkillər Kollegiyasının İntizam Komissiyasından ona telefon ediblər və Baş Prokurorluqdan barəsində şikayət daxil olduğunu bildiriblər.
Vəkilə şikayətin detallarını açıqlamayıblar, ancaq deyiblər ki, bu, onun sosial şəbəkələrdə “Tofiq Yaqublu haqqında” çıxışları ilə bağlıdır.
N.Kərimli qeyd edib ki, bu ilin oktyabrında müxalifətçi siyasətçi T.Yaqublunun inzibati həbs zamanı işgəncəyə məruz qalması faktlarını açıqlayıb.
N.Kərimli hesab edir ki, bir vəkil kimi müdafiə etdiyi şəxsin xahişini yerinə yetirməyə və həbs olunanın işgəncə barədə bəyanatını açıqlamağa borclu olub.
N.Kərimli hesab edir ki, onun barəsində şikayət müstəqil vəkillərə təzyiq kampaniyasının davamıdır.
N.Kərimli hüquq-müdafiə sahəsində ixtisaslaşmış vəkil kimi tanınır. O, siyasi məhbus kimi tanınan bir çox şəxsi müdafiə edib. Hazırda tanınmış araşdırmaçı- jurnalist Əfqan Muxtarlının vəkilidir.
Vəkillər Kollegiyasından və Baş Prokurorluqdan şərh almaq mümkün olmayıb. -06B-
Cəmiyyət
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
Rəy yaz