Freedom House: Azərbaycan �qeyri �azad ölkələr sırasında qalıb

Vaşinqton /06.02.19/Turan: Vaşinqtonda yerləşən beynəlxalq Freedom House təşkilatı "Dünyada azadlıq 2019" hesabatını açıqlayıb.

Hesabatda ABŞ-da demokratiyanın ciddi zəiflədiyi vurğulanır. Bu, prezident Donald Trampın qanunun aliliyinə, jurnalistlərə və demokratik normalara təzyiqində özünü göstərir.

Hesabata görə, Avrasiya ölkələrinin zəngin elitar təqəbəsi hakimiyyətin saxlanması üçün öz vəziyyətlərindən sui-istifadə edirlər.

Özbəkistanda və Ermənistanda demokratik proseslər alqışlanır, eyni zamanda RF və Azərbaycan tənqid olunur.

Belə ki, Freedom House yenə də Azərbaycanı "qeyri-azad ölkələr" kateqoriyasına daxil edib.

Azərbaycanın qonşuları - Ermənistan və Gürcüstan "qismən azad ölkələr" qrupuna daxil edilib.

Ümimilikdə, 13 ildir ki, qlobal planda azadlıqlarının təminatında reqress müşahidə olunur, hesabatda deyilir. 86 ölkə "azad" (44%), 59 ölkə (30%) "qismən azad", 50 ölkə (20%) "qeyri-azad" ölkə kimi tanınıb.

"Ən pislər arasında ən pis" kimi Suriya, Cənubi Sudan, Eritreya, Türkmənistan, Şimali Koreya, Ekvatorial Qvineya, Səudiyyə Ərəbistanı, Somali, Sudan, Tacikistan, Mərkəzi Afrika Respublikası və Liviya tanınıb.-16D--