Bakı/15.05.19/Turan: Bakı şəhər Prokurorluğundan çıxdım. Məni çox "hörmətlə" qarşıladılar, telefonumu, qolumdakı saatı, eynəyimi, açarları aldılar, sonra məni aparatla ciddi yoxlayıb binaya buraxdılar.
Criminal.az saytının rəhbəri Anar Məmmədov mayın 15-də Bakı şəhər Prokurorluğuna dəvət edilib. Prokuroluğun İstintaq idarəsinin rəisi Rəşad Mansurov iki saatadək jurnalistlə söhbət apardıqdan sonra o, azad buraxılıb.
"Dünən bir ilə yaxın prokurorluqda saxlanılan "macbook"un qaytarılacağı üçün Bakı şəhər Prokurorluğina dəvət edildiyim deyilsə də, səbəb başqa idi - SOCAR (Azərbaycan Dövlət Neft Şirkəti). Rəşad Mansurovla söhbətim zamanı, o, belə yazıları dayandırmağımı tövsiyyə etdi. Niyə, hansı səbəbdən SOCAR haqqında məqalələr yaydığımı soruşdu. Heç bir məqsədimin olmadığını dedim. SOCAR-dan criminal.az saytına haker hücumlarını dayandırmasını Rəşad müəllimdən xahiş etdim. Bundan başqa, SOCAR-ın məni maddi şirnikləndirmə yolu ilə ələ almaq niyyətini Mansurovun diqqətinə çatdırdım. Bütün söhbətimizin əsası "SOCAR-dan yazma" idi", deyə jurnalist facebook səhifəsində yazıb.
O yazır ki, İstintaq idarəsinin rəisi Rəşad Mansurov "macbook"un barəmdəki məhkəmə qərarı qüvvəyə minməmişdən qabaq mənə qaytarılması üçün rəhbərliyə ərizə yazmağımı məsləhət gördü.
Ərizəmi yazdım və prokurorluqdan çıxdım.
"Qeyd edim ki, Mansurovdan dəfələrlə SOCAR-la bağlı hər hansı şikayətin olub-olmaması sualıma cavab ala bilmədim. Nəticə budur ki, SOCAR haqqında yazılarıma görə qeyri-rəsmi şəhər prokurorluğuna çağırılıram və şifahi də olsa xəbərdarlıq alıram", deyə jurnalist yazır.
Criminal.az saytı son günlər meydan.tv və sosial şəbəkələrdə yayılmış "SOCAR prezidenti Rövnəq Abdullayevə bağlı şirkətlər", ""Əhmədzadə qardaşlarının "SOCAR Trading"dəki özəl biznesi", "Rövnəq Abdullayevin oğlunun Türkiyədəki varidatı: Şirkətlər, otellər, restoranlar, əyləncə mərkəzləri, daşınmaz əmlak biznesi...", "Mübariz Mənsimovun gəmiləri Hacı Məmmədovun oğurlayıb qulağını kəsdiyi şəxsə verilibmiş", "Londonda 6 milyon funt sterlinqə mənzili kim alıb? - O, milyonluq at minir..." və başqa araşdırma yazılarını dərc edib.
2019-cu il martın 18-də Bakı Ağır Cinayətlər Məhkəməsi criminal.az saytının baş redaktoru Anar Məmmədova 5 il 6 ay şərti cəza verib.
Hökmə əsasən, Anar Məmmədov Gəncə şəhərinin icra hakimiyyətinin sabiq başçısı Elmar Vəliyevin güllələnməsi, onun vətəndaşlarla kobud münasibəti, bu səbəbdən şəhərin mərhum polis rəisi Rasim Musayevlə aralarında yaranan insident barədə yazılara görə Cinayət Məcəlləsinin 281.2 (dövlət əleyhinə yönələn açıq çağırışlar), 309.2 (vəzifə səlahiyyətlərini aşma) və 313 (vəzifə saxtakarlığı) maddələri ilə təqsirli bilinib.
Ona 2 il sınaq müddəti təyin olunub. Bu müddətdə müvafiq orqanlara xəbər vermədən yaşayış yerini dəyişə, ölkəni tərk edə bilməz.
Jurnalist özünü təqsirli bilmir. Məhkəmənin hökmündən apellyasiya şikayəti verəcəyini bildirib.
2018-ci il iyulun 9-da Baş Prokurorluq internetdə həmin ilin yayında Gəncə şəhər icra hakimiyyətinin başçısı Elmar Vəliyevə sui-qəsd və Mingəçevirdə enerji böhranı ilə bağlı "yalan məlumatların" və "qanunsuz çağırışların" yayılması haqqında cinayət işi açıb.
Bundan sonra prokurorluq bastainfo.com, criminal.az, topxeber.az və fia.az saytlarının bloklanması üçün Rabitə Nazirliyinə müraciət edib. -03B-
Cəmiyyət
-
Bazar günü, aprelin 21-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Gecə və səhər bəzi yerlərdə zəif duman olacaq. Mülayim cənub küləyi əsəcək. Havanın temperaturu gecə 13-18° isti, gündüz 23-28° isti olacaq. Bu barədə Milli Hidrometeorologiya Departamenti məlumat yayıb
-
Tədbir zamanı media nümayəndələrinin suallarını cavablandıran Dr. Klaus Müller azad olunmuş ərazilərdə qısa müddət ərzində şəbəkə infrastrukturunun yaradılması, ən müasir səs texnologiyası olan VoLTE xidmətinin təqdim edilməsi və Xankəndi şəhərində ilk mobil rabitə mağazasının Bakcell tərəfindən istifadəyə verilməsini bildirib.
-
Aprelin 16-da Bakıda Semka ləqəbi ilə məşhur olan tiktoker Samir Ramazanov saxlanılıb, bu barədə DİN-in mətbuat xidməti məlumat yayıb. Məhkəmənin qərarı ilə S.Ramazanov inzibati qaydada 30 gün müddətinə həbs olunub. Bir gün əvvəl 9 yaşlı tiktoker Adəmin atası Sadiq Mirzəyev də 30 gün müddətinə həbs olunub. Onlar Azərbaycanın Ağcabədi rayonunun sakinləridir.
-
Azercell və UFAZ növbəti əməkdaşlığa imza atır “Azercell Telekom” MMC-nin dəstəyi və Azərbaycan-Fransız Universitetinin təşkilatçılığı ilə həyata keçən “Techcell” hakatonunun qeydiyyatına start verildi. Azərbaycanın bütün ali təhsil müəssisələrində oxuyan tələbələri əhatə edən bu hakatonda iştirakçılar informasiya texnologiyaları, kibertəhlükəsizlik və mobil şəbəkə sahələrinə aid real tapşırıqlar üzərində işləyəcəklər.
Rəy yaz