Turan Agentliyi Azərbaycan hakimiyyətinin yol verdiyi ayrı-seçkiliyə etiraz edir
Bakı/23.04.19/Turan: Mayın 29-da Avropa Liqasının "Arsenal" və "Çelsi" klubları arasında final maçını işıqlandırmaq üçün UEFA-dan akkreditasiya alan Turan İnformasiya Agentliyinin fotomüxbiri Əziz Kərimova Azərbaycan hakimiyyəti qadağa tətbiq edib.
UEFA mayın 15-də rəsmi bildiriş göndərərək, Kərimova akkreditasiya verib. Amma mayın 18-də isə onlar səbəbini izah etmədən, Kərimova imtina cavabı göndəriblər. Elə həmin gün Kərimov UEFA-ya imtina cavabının səbəbini izah etmək xahişi ilə sorğu göndərib. UEFA cavab vermişdi ki, hüquq-mühafizə və yerli hakimiyyət orqanları Kərimova akkreditasiya etməsindən imtina ediblər.
2019-cu ilin aprelində "Formula-1" Azərbaycan Qran-pri keçirildiyi zaman da, demək olar ki, belə bir vəziyyət olub. Baku City Circuit əməliyyat şirkəti Turan Agentliyini bu yarışlarda akkreditasiya etməkdən imtina edib, baxmayaraq ki, "Formula-1"dən akkreditasiya var idi.
Baku City Circuit-in marketinq və kommunikasiyalar şöbəsinin rəhbəri Nigar Arpadarai Turan-ın imtinanın səbəbləri haqqında sorğusunu cavabsız qoyub.
Əməliyyat şirkətinin əməkdaşları şəxsi söhbətlərdə qadağanın hüquq-mühafizə orqanları tərəfindən qoyulduğunu bildirirdilər.
Təşkilatçısı beynəlxalq təşkilatlar, həmçinin səfirliklər olsa belə, ölkə hakimiyyəti əksər rəsmi tədbirlərin işıqlandırılmasında Turan-a qadağa qoyub.
Formula-1-də olduğu kimi, "Arsenal" - "Çelsi" maçında da akkreditasiyadan imtinanı açıq-aşkar ayrı-seçkilik və Agentliyin peşə fəaliyyətinin qəsdən məhdudlaşdırılması, Azərbaycanda söz azadlığının məhdudlaşdırılması üzrə dövlət siyasətinin davamı kimi qiymətləndiririk.
Agentlik Azərbaycan prezidentini bu ayrı-seçkiliyə və Agentliyə qarşı uzun illərdir həyata keçirilən təzyiq siyasətinə son qoyulması üçün tədbirlər görməyə çağırır. Bu təzyiqlərin ən yüksək nöqtəsi 2017-ci ilin avqustunda Agentliyə qarşı açılmış saxta cinayət işi və agentliyin direktorunun həbs edilməsi olub. -0-
Cəmiyyət
-
Azercell və UFAZ növbəti əməkdaşlığa imza atır “Azercell Telekom” MMC-nin dəstəyi və Azərbaycan-Fransız Universitetinin təşkilatçılığı ilə həyata keçən “Techcell” hakatonunun qeydiyyatına start verildi. Azərbaycanın bütün ali təhsil müəssisələrində oxuyan tələbələri əhatə edən bu hakatonda iştirakçılar informasiya texnologiyaları, kibertəhlükəsizlik və mobil şəbəkə sahələrinə aid real tapşırıqlar üzərində işləyəcəklər.
-
Rusiya sülhməramlılarının Azərbaycan ərazilərindən çıxmağa başladığı bildirilir. Bu barədə məlumatı həm Rusiya, həm də Azərbaycan rəsmiləri təsdiqləyib. Rusiya sülhməramlılarının Qarabağda qalma müddəti gələn ilin sonlarında başa çatırdı. İndi Azərbaycanda bəzi təhlilçilər ehtimal edir ki, Rusiya vaxtından əvvəl hərbi kontingentini çəksə də, bölgədə iqtisadı varlığını daha da artırmaq istəyə bilər. Azərbaycanın 2014-cü ildə yaradılan Avrasiya İqtisadi Birliyinə (AİB) üzvlük məsələsi gündəmə gətirilə bilərmi? (AİB-ə Ermənistan, Belarus, Qazaxıstan, Qırğızıstan və Rusiya daxildir)
-
Aprelin 20-də Bakıda və Abşeronda hava dəyişkən və yağıntısız olacaq. Gündüz havanın temperaturu müsbət 24+29 dərəcəyə yüksələcək, Ekologiya və Təbii Sərvətlər Nazirliyinin sinoptikləri bildiriblər.
-
BİQ-in məqsədi böhran zamanı ölkədə rabitə infrastrukturunun dayanıqlığının təmin edilməsini və fövqəladə hallara çevik reaksiya verilməsini təmin etməkdir Ölkənin lider mobil operatoru Azercell qürur hissi ilə yeni BİQ - Böhran İdarəetmə Qrupu layihəsini elan edir. “Dayanıqlı rabitə, təhlükəsiz həyat!” şüarı altında həyata keçirilən layihənin məqsədi böhran zamanı ölkədə rabitə infrastrukturunun dayanıqlığının təmin edilməsi, fövqəladə hallara çevik reaksiya verilməsi, bərpa müddətinin maksimum qısaldılması, ölkə əhəmiyyətli tədbirlərdə etibarlı rabitənin təmin edilməsidir.
Rəy yaz