Bakı/20.05.19/Turan: Yol Polisi İdarəsi mayın 27-dən 30-dək Bakıya gələn vətəndaşları ictimai nəqliyyatdan istifadə etməyə çağırıb.
Sumqayıt sakinləri Bakı-Sumqayıt marşrutu ilə işləyən avtobuslardan, həm də həmin istiqamətdə hərəkət edən elektrik qatarından istifadə edə bilər.
Bakının girişində pulsuz avtomobil dayanacaqları təşkil edilib və şəxsi nəqliyyat vasitəsilə gələn vətəndaşlar öz avtomobillərini orada saxlayıb sonra avtobuslarla yaxın metro stansiyalarına gedə bilər.
Yol polisi həmin müddətdə şəxsi avtomobillərdən istifadəni azaltmağı və Bakının mərkəzi hissəsinə ancaq ictimai nəqliyyat ilə gəlməyi tövsiyə edir.
Mayın 29-da keçiriləcək Avropa Liqasının "Arsenal"-"Çelsi" final matçına gələn çoxsaylı qonaqların, azarkeşlərin sərbəst hərəkətinin təşkili üçün tədbirlər görüləcək.
Finalın keçirildiyi gün mayın 30-na keçən gecə paytaxt metropoliteni gücləndirilmiş rejimdə işləyəcək və zərurət olarsa saat 04:00-dək işləyəcək. Matç saat 23:00-də başlayacaq. -02D-
Cəmiyyət
-
İctimai fəal Elmir Abbasov mayın 7-də Bakı Şəhər Baş Polis İdarəsində "Abzas Media" işi üzrə ifadə verib. Bu barədə onun özü məlumat verib. Onun sözlərinə görə, ona verilən müəyyən sualları cavablandırıb.
-
Azərbaycanın lider telekommunikasiya şirkəti Azercell 2023-cü il üzrə ESG (ekologiya, sosial və idarəetmə) hesabatını təqdim edir Azercell media nümayəndələri və aidiyyatı tərəfdaşlar üçün təşkil etdiyi “Davamlı bağlantı üçün dayanıqlı inkişaf: Azercell-in illik ESG hesabatının təqdimatı” adlı tədbirində Dayanıqlılıq hesabatını ictimaiyyətə açıqladı.
-
Sumqayıt şəhər "Evdə" fərdi təhsil məktəbində yol verilən qanunsuzluqlarla bağlı vətəndaş müraciəti əsasında şəhər prokurorluğunda araşdırma aparılıb. Bu barədə Baş Prokurorluğun yaydığı məlumatda deyilir.
-
Mayın 10-da Qazaxıstanın Almatı şəhərində Azərbaycan və Ermənistan xarici işlər nazirlərinin görüşü gözlənir. Azərbaycan tərəfi görüşün gündəliyini, hələlik, açıqlamayıb. Amma Ermənistanın Xarici İşlər Nazirliyindən (XİN) yerli mediaya bildirilib ki, gündəliyə tərəflərin öhdəliklərinin təsdiqi, eləcə də regional nəqliyyat infrastrukturu və ticarət marşrutlarının bərpası ilə bağlı məsələlər daxil edilib.
Rəy yaz