AFFA Mxitaryanın Bakıya gәlmәmәsinә münasibәt bildirib

Baku/ 05.21.19/Turan: AFFA "Arsenal" futbol klubunun oyunçusu Henrix Mxitryanın Bakıya UEFA Avropa Liqasının final oyununa gәlmәkdәn imtinasına münasibәt bildirib.

AFFA-dan bildirilib ki, Mxitaryanın Bakıya "Çelsi"-yә qarşı oyununa gәlmәmәsilә bağlı Arsenalın bәyanatından mәyusluq hissini keçirib. "Biz bu әsaslandırılmamış qәrara tәәssüf edirik vә düşünürük ki bu qәrar oyunçunun, onun ailәsinin vә komandasının tәrәfindәn kollektiv şәkildә qәbul olunub".

Bәyanatda qeyd olunur ki, AFFA oyunçunun Bakıya gәlmәmәk hüququnu tanısa da, bir dә tәkrar edir ki, Azәrbaycan UEFA üçün tәlәb olunan Mxitaryanın şәxsi tәhlükәsizliyinin bütün lazım olan qarantiyaları tәqdim edib. "Son on il әrzindә ermәni idmançılar böyük sayda Azәrbaycanda keçirilәn müxtәlif beynәlxalq tәdbirlәrdә problemsiz iştirak edib".

Britaniyanın "Arsenal" futbol klubunun rəhbərliyi yarımmüdafiəçi, milliyyətcə erməni olan Henrix Mxitaryanı mayın 29-da keçiriləcək Avro vpa Liqasının final oyununa gətirməməyi qərara alıb. Bu barədə The Times qəzeti bildirib.

"Arsenal" təhlükəsizlik baxımından Mxitaryanı oyunlara daxil etməmək niyyətindədir. Klub rəhbərliyi hesab edir ki, Mxitaryanın ətrafında yaranan hay-küy bütün komandaya mənfi təsir göstərəcək.

"Arsenal" Azərbaycan hakimiyyətinin ən yüksək səviyyədə Mxitaryana verdiyi təhlükəsizliklə bağlı zəmanəti yetərli saymır.

Sonda AFFA bildirib ki, bu mәyusedici qәrar bu "möhtәşәm matçın keyfiyyәtinә vә cәlb ediciliyinә tәsir etmәyәcәk".--0--