AİHM Rəsul Cəfərov, Emin Hüseynov və Səbuhi Qafarovun şikayətlərini təmin edib
Bakı/25.07.19/Turan: Avropa İnsan Hüquqları Məhkəməsi (AİHM) bu gün "Cəfərov və digərləri Azərbaycana qarşı" işi üzrə qərarını açıqlayıb. AİHM ərizəçilərin Avropa Konvensiyasının 11-ci (birləşmək azadlığı) maddəsində zəmanət verilən hüququnun pozulduğu qənaətinə gəlib və onlara 4500 avro məbləğində pul təzminatı verilməsi barədə qərar çıxarıb.
Şikayət vətəndaş cəmiyyəti fəalları Rəsul Cəfərov, Emin Hüseynov və Səbuhi Qafarov tərəfindən Azərbaycan hakimiyyətinin onların 2011-ci ildə hüquq müdafiə fəaliyyəti həyata keçirmək məqsədilə təsis etdikləri İnsan Hüquqları Klubunu qeydiyyata almaqdan imtinası ilə əlaqədar verilib.
Hakimiyyətin yekun imtina səbəbi kimi "təsis edilmiş QHT-nin təşkilatın sənədlərində qanuni nümayəndəsinin səlahiyyətlərini göstərə bilməməsi" göstərilib.
Yerli məhkəmələr təsisçilərin qeydiyyatdan imtina ilə bağlı şikayətlərini təmin etməyib.
AİHM Azərbaycanın qeydiyyat haqqında milli qanunvericiliyinin aydın ol madığını və fərqli təfsirlərə imkan verdiyini müəyyən edib.
Həmçinin, təsisçilərin Azərbaycanda təqib edildiyi qeyd edilir. Belə ki, Cəfərov 2014-cü ildə iqtisadi cinayətlərdə ittiham olunaraq həbs edilib.
Qafarov və Hüseynov təqibdən ehtiyatlanaraq ölkəni tərk ediblər.
AİHM ərizəçilərin hüquqlarının pozulduğunu təsdiq edib və onlara ümumilikdə 4500 avro məbləğində təzminat və məhkəmə xərclərinin ödənilməsi üçün əlavə olaraq 2040 avro ödənilməsi barədə qərar qəbul edib. -06D-
-
- İqtisadiyyat
- 25 İyul 2019 13:59
Siyasət
-
“Meclis.info” saytının rəhbəri İmran Əliyev aprelin 18-də axşam saatlarında Heydər Əliyev adına Beynəlxalq Hava Limanında saxlanılıb. Məlumatı İmran Əliyevin özü verib.
-
Rusiya Ermənistandan aprelin 5-də Brüsseldə ABŞ və Avropa İttifaqı ilə əldə olunmuş "hərbi-siyasi razılaşmalar" haqqında açıqlama gözləyir. Bu barədə aprelin 18-də RF XİN-in rəsmi nümayəndəsi Mariya Zaxarova bildirib.
-
Azərbaycan Xalq Cəbhəsi Partiyasının (AXCP) Gəncə şəhər təşkilatının fəalı Şahin Hacıyevin qapalı həbsxanaya köçürüldüyü bildirilir.
-
Aprelin 18-də Azərbaycanın Ali Məhkəməsi Almaniyadan deportasiya edildikdən sonra həbs edilmiş fəal Pünhan Kərimlinin kassasiya şikayətini təmin etməyib.
Rəy yaz