Oqtay Gülalıyev. Açiq mənbələrdən foto.
Bakı/30.10.20/Turan: Bu gün, oktyabrın 30-da Bakının Nəsimi rayon Məhkəməsində hakim Azər Tağıyevin sədrliyi ilə hüquq müdafiəçisi Oqtay Gülalıyevin avtomobillə vurulması ilə bağlı cinayət işi üzrə hazırlıq iclası olub. Məhkəmə baxışı noyabrın 13-də saat 10-a təyin edilib.
Məhkəmədə Oqtay Gülalıyevin vəkili Fuad Ağayev, onun nümayəndəsi Mehman Əliyev, təqsirləndirlən şəxs Kənan Abdullayev iştirak edib.
Tərəflər hər hansı vəsatət verməyib.
Mehman Əliyev Oqtay Gülalıyevin səhhətində irəliləyişlərin oduğunu bildirib.
"Gülalıyevin hissiyatı var. O, hələ danışa bilmir. Amma gözləri ilə deyilənləri başa düşdüyünə işarə edir. Bu günlərdə o Türkiyədən Bakıya gətiriləcək və müalicəsini ev şəraitində davam etdirəcək", deyə Əliyev qeyd edib.
Təqsirləndirilən şəxs Kənan Abdullayev Turan-a hərəkətindən peşman olduğunu bildirib.
"Oqtay Gülalıyevi diqqətsizlik üzündən vurdum. Fikirli idim, yol hərəkəti qaydasını pozdum. Onu avtomobilimlə xəstəxanaya çatdırdım. O danışırdı, heç bir ağrısının olmadığını bildirdi. Hətta yolda dedi ki, avtomobili əyləyim düşüb getsin. Lakin mən onu xəstəxanaya çatdırdım. Orada məlum oldu ki, xəsarət alıb", deyə o qeyd edib.
Hüquq müdafiəçisi Oqtay Gülalıyev 2019-cu il oktyabrın 29-da Bakının mərkəzində piyada keçidində avtomobillə vurulub. Başından aldığı zədə nəticəsində hələ də komadadır.
Fakt üzrə Oqtay Gülalıyevi vuran sürücü Kənan Abdullayevin barəsində Cinayət Məcəlləsinin 263.1.1-ci maddəsi (yol hərəkəti və nəqliyyat vasitələrinin istismarı qaydalarının pozulması, ehtiyatsızlıqdan zərər çəkmiş şəxsin sağlamlığına ağır zərər vurulmasına səbəb olduqda) ilə cinayət işi qaldırılıb.
Oqtay Gülalıyev ötən ilin sonlarından Heydər Əliyev Fondunun yardımı ilə İstanbulda "Amerika" hospitalında müalicə olunur. -03-
Cəmiyyət
-
Aprelin 14-ü gecə saatlarında İran İsrailə dron və raketlərlə hücum edib. İsrail Müdafiə Ordusunun məlumatına görə, İran tərəfindən buraxılan raketlərin və dronların 99 faizi, ümumilikdə 300-dən çoxu (əksəriyyəti də İsrail ərazisindən kənarda) vurulub. İsrail Neqev səhrasındakı bir hərbi bazaya cüzi ziyan dəydiyini bildirib.
-
Lider mobil operatorun əməkdaşları SOS Uşaq Kəndinin sakinləri ilə bilik və təcrübələrini bölüşüb Həssas qrup gənclərin bilik və bacarıqlarını artırmaq məqsədilə təşkil olunan “Gənclər bacarır!” layihəsinin növbəti mərhələsinə 15-23 yaş aralığında 20 iştirakçı qoşulub. Proqramda Azercell-in İnsan Kapitalının İdarə Edilməsi departamentinin əməkdaşı Günay Quliyeva tərəfindən effektiv ünsiyyət, karyera planlaması, CV tərtibatı, müsahibəyə hazırlıq ilə bağlı təlim sessiyası keçirilib. Həmçinin layihənin “Youthlinks” platforması üçün müsahibəyə hazırlıq və özünü təqdimetmə bacarıqları haqqında maarifləndirici videolar da çəkilib.
-
Aprelin 16-da Bakıda və Abşeronda hava dəyişkən, yağıntısız olacaq. Havanın temperaturu gecə müsbət 8+13, gündüz müsbət 18+23 dərəcə olacaq.
-
Mart ayında Avropa İnsan Hüquqları Məhkəməsi Azərbaycana qarşı qədər müxtəlif işlər üzrə - seçkilər zamanı pozuntulardan tutmuş əmlak mübahisələrinə qədər onlarla qərar və qərardad qəbul edib. Onların arasında bizim ölkəmiz üzrə Avropa yurisprudensiyası üçün kifayət qədər ekzotiki olub: "A və digərləri Azərbaycana qarşı işi" (no. 17184/18), 24 transgenderə, yəni özünü qadın kimi tanıdan kişilərə qarşı pozuntular ilə əlaqəli. Məsələ ilk növbədə ona görə maraqlıdır ki, ilk dəfə hökumət bu kateqoriyadan olan vətəndaşların problemlərin olduğunu tanıyıb.
Rəy yaz