Zəngilan və Xocavənd, Füzuli və Cəbrayılda 23 kənd azad edilib

Bakı/20.10.20/Turan: Son bir gün ərzində döyüş əməliyyatları zamanı Azərbaycan SQ Zəngilan rayon mərkəzini və qonşu rayonların – Azərbaycanın Füzuli, Cəbrayıl və Xocavənd rayonlarının 30-a yaxın kəndini azad edib. Bu barədə oktyabrın 20-də günorta dövlət başçısı İlham Əliyev xalqa müraciətində bildirib.

O deyib ki, bütün ölkə ərazisi düşməndən təmizlənənə qədər müharibənin davam etdiriləcəyini deyib.

“Ölkənin ərazi bütövlüyü tamamilə təmin edilməlidir. Bu olmadan biz dayanmayacağıq”, deyə o qeyd edib.

İlham Əliyev azad edilən yaşayış məntəqələrinin adlarını da açıqlayıb.

Füzuli rayonu: Dördçinar, Kürdlər, Yuxarı Əbdürrəhmanlı, Qarğabazar, Aşağı Veysəlli, Yuxarı Aybasanlı kəndləri.

Cəbrayıl rayonu: Safarşa, Həsənqaydı, Fuğanlı, İmambağı, Daş Veysəlli, Ağtəpə, Yarəhmədli kəndləri.

Xocavənd (Martuni) rayonu – Ağcakənd, Mülküdərə, Daşbaşı, Günəşli, Vəng (yeni adı Çinarlı);

Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri.

Dövlət başçısının məlumatı Bakının və ölkənin digər şəhərlərinin küçələrində coşqunluğa səbəb olub. -02D-