Cəbhədə oktyabrın 30-na olan son vəziyyət
Bakı/30.10.20/Turan: Ermənistan silahlı qüvvələrinin bölmələri oktyabrın 29-u gün ərzində və 30-na keçən gecə cəbhənin müxtəlif istiqamətlərində Azərbaycan Ordusu bölmələrinin yerləşdiyi mövqeləri və yaşayış məntəqələrimizi müxtəlif silahlardan, o cümlədən artilleriya və raketlərdən atəşə tutub.
Döyüş əməliyyatları əsasən cəbhənin Ağdərə, Xocavənd və Qubadlı istiqamətlərində davam edib. Düşmənin hücum etmək cəhdlərinin qarşısı qətiyyətlə alınıb.
Cəbhənin müxtəlif istiqamətlərində Ermənistan silahlı qüvvələrinə qarşı görülən cavab tədbirləri nəticəsində düşmənin şəxsi heyəti arasında ölən və yaralananlar var.
Dünən gün ərzində və gecə saatlarında cəbhənin müxtəlif istiqamətlərində düşmənin xeyli sayda canlı qüvvəsi, 2 ədəd Su-25 təyyarəsi, 3 ədəd T-72 tankı, 1 PDM, 2 ədəd “Smerç” və 1 ədəd BM-21 “Qrad” yaylım atəşli reaktiv sistemləri, 10 ədəd müxtəlif tipli topu, 2 ədəd “Qvozdika” özüyeriyən haubitsası, 1 ədəd “Osa” ZRK, 1 ədəd P-18 radiolokasiya stansiyası, 4 ədəd avtomobil texnikası məhv edilib və sıradan çıxarılıb.
Hazırda qoşunlarımız əməliyyat şəraitinə nəzarət edir.
Oktyabrın 30-u saat 07:35-dən başlayaraq Goranboy, Tərtər, Ağdam və Ağcabədi rayonlarının ərazisi artilleriya atəşinə tutulur.
Ordumuz tərəfindən adekvat tədbirlər görülür.-0-
-
- Aktual Reportaj
- 30 Oktyabr 2020 00:22
-
- Cəmiyyət
- 30 Oktyabr 2020 11:32
Siyasət
-
Aİ-nin xarici əlaqələr və təhlükəsizlik siyasəti üzrə mətbuat katibi Piter Stano Bakının Aİ-ABŞ-Ermənistan üçtərəfli görüşü ilə bağlı iddialarını rədd edir.
-
İkinci Dünya Müharibəsindən sonra Cənubi Qafqazın geosiyasi mənzərəsi ciddi dəyişikliklərə məruz qalıb və Fransa və bəzi Qərb ölkələri Bakıda təəccüb doğuran strategiyalar qəbul edib. Azərbaycan Dövlət Təhlükəsizliyi Xidmətinin rəhbəri Əli Nağıyev Frasanın bu yaxınlarda Ermənistanda hərbi missiya yaratması ilə bağlı narahatlığını bildirib, bunun potensial olaraq gərginliyin artmasına gətirib çıxara və hətta yeni münaqişəyə səbəb ola biləcəyi barədə təxmin irəli sürüb.
-
Ukraynada gedən müharibəni işıqlandıran azərbaycanlı jurnalist İdrak Camalbəyli martın 29-da Kiyedə ürəktutmadan vəfat edib.
-
Mayın ortalarında Azərbaycan parlamentinin spikeri Sahibə Qafarova ilə daha bir görüş keçiriləcək. Bu barədə Ermənistan parlamentinin spikeri Alen Simonyan İctimai Televiziyaya bildirib.
Rəy yaz