Açiq mənbələrdən foto.
Rusiya Qarabağda türk sülhməramlıları olacağını inkar edir
Bakı/11.11.20/Turan: Dağlıq Qarabağda Rusiya və Türkiyənin birgə sülhməramlı missiyasının iştirakı mümkünlüyü heç vaxt müzakirə olunmayıb. Kremlin rəsmi nümayəndəsi Türkiyə prezidenti Recep Tayyip Erdoğanın birgə monitorinq mərkəzi haqqında dediklərinə bu cür etiraz edib, xəbəri noyabrın 11-də RİA Novosti yayıb.
“Birgə sülhməramlı qüvvələr haqqında söhbət getməyib, bu, heç vaxt müzakirə olunmayıb. Qarşılıqlı fəaliyyət sahəsi Azərbaycan ərazisində olacaq. Bu, Qarabağ olmayacaq. Söhbət monitorinq mərkəzindən gedir”, deyə o bildirib.
Dünən Rusiya XİN artıq Dağlıq Qarabağda sülhməramlı missiyada Türkiyə hərbiçilərinin iştirakını təkzib edib. Bu arada, bir müddət əvvəl Azərbaycan prezidenti İlham Əliyev Dağlıq Qarabağda Rusiya və Türkiyənin birgə sülhməramlı missiyasının fəaliyyət göstərəcəyini bəyan edib.
Türkiyə Prezident Aparatının ictimaiyyətlə əlaqələr İdarəsi Türkiyə və Rusiya prezidentlərinin noyabrın 10-da baş tutmuş telefon söhbəti haqqında məlumat yayıb. Məlumatda deyilirdi ki, “prezident Erdoğan qeyd edib ki, Türkiyə Rusiya ilə birlikdə Ermənistan işğalından azad edilmiş ərazidə formalaşdırılacaq Birgə Mərkəz vasitəsilə atəşkəs rejiminə riayət olunmasına nəzarət edəcək”. -0-
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz