Геворк Костанян
Ermənistanın baş prokuroru: “Bakı Yerevandan 50 milyard dollar məbləğində kompensasiya tələb edir”
Bakı/12.11.20/Turan: Ermənistanın keçmiş baş prokuroru və Ermənistanın Avropa İnsan Hüquqları Məhkəməsində keçmiş nümayəndəsi Qevork Kostanyan bildirib ki, Azərbaycan işğal olunmuş ərazilərə dəyən zərərə görə kompensasiya ödənilməsi ilə bağlı Ermənistana qarşı iddia hazırlayıb.
Onun sözlərinə görə, iddia hələ 2 il əvvəl hazır idi, lakin təqdim edilməmişdi, çünki maddi sübutlar lazım idi.
"Onlar bu iddianı təqdim edə bilmirdilər, çünki Ermənistanın cavabdeh subyekt olması barədə kifayət qədər sübutları yox idi. Onlar beynəlxalq təşkilat tutublar və o, Azərbaycana dəymiş zərəri 50 milyard dollardan çox qiymətləndirib. Bu günlərdə Azərbaycan bildirib ki, gerçəkdən Ermənistana qarşı bu cür iddia hazırlayacaq”, - Kostanyan qeyd edib.
Paşinyan noyabrın 10-da məlum sənədi imzaladıqdan sonra təsdqləyib ki, Ermənistan qaytarılan rayonlardakı vəziyyətə görə məsuliyyət daşıyır.
“Əgər biz vaxtında savadlı hüquqi əks-zərbə endirməsək Nikol Paşinyanın imzaladığı rüsvayçı sənəd bizim üçün ciddi maliyyə problemlərinin yaranmasına gətirib çıxaracaq ki, bunu hətta nəslimiz də ödəyə bilməyəcək", - Kostanyan hesab edir. O, Paşinyanın istefasına, onun imzaladığı sənədin və ondan irəli gələn öhdəliklərin etibarsız sayılmasına çağırıb.-02D-
-
- Siyasət
- 12 Noyabr 2020 16:32
Siyasət
-
Mayın 21-də Səbail Rayon Məhkəməsi "Kanal 13" İnternet televiziyasının rəhbəri Əziz Orucovun və bu media strukturunun əməkdaşı Şamo Eminovun ilkin həbs müddətini daha 1 ay uzadıb. Bu barədə Turan-a jurnalistlərin yaxınları bildiriblər.
-
Azərbaycanın dövlət başçısı İlham Əliyev vertolyot qəzası zamanı həlak olan İran prezidenti Seyid İbrahim Rəisi ilə son görüşünü "tarixi görüş" adlandırıb.
-
İyunun 11-dən Şengen vizası 12 faiz bahalaşacaq. Sloveniya Xarici İşlər Nazirliyi bildirib ki, rüsumun məbləği böyüklər üçün 90 avro, 6 yaşdan 12 yaşa qədər uşaqlar üçün 45 avro olacaq.
-
2 saylı cəzaçəkmə müəssisəsində saxlanılan fəal, keçmiş siyasi mühacir Samir Aşurovun səhhəti pisləşib. Bu barədə Turan-a onun xanımı Nuranə Aşurova bildirib.
Rəy yaz