Aqil Hümbətov. Açiq mənbələrdən foto.
Aqil Hümbətov psixiatriya xəstəxanasından evə buraxılıb
Bakı/02.07.20/Turan: Xalq Cəbhəsi Partiyasının üzvü Aqil Hümbətov iyunun 1-də 3 aydır saxlanıldığı Maştağa qəsəbəsindəki psixiatriya xəstəxanasından evə buraxılıb. Onun Turan Agentliyinə verdiyi məlumata görə, psixiatriya xəstəxanasında əsassız olaraq saxlanılıb. Azad edilərkən ona tibbi rəy olmadan, yalnız evə buraxılmasıhaqqında kağız veriblər.
Vəkil artıq Apellyasiya Məhkəməsinin qərarının əsassız olaraq verilməməsi haqqında Ali Məhkəməyə kassasiya şikayəti və AİHM-yə ərizə verib.
Hümbətovun işi Azərbaycanda və xaricdə böyük rezonans doğurub. Hüquq müdafiəçiləri bu işdə fərqli düşünənlərin psixiatriya xəstəxanasına yerləşdirilməsi kimi acınacaqlı sovet təcrübəsinin yenidən qayıtdığını qeyd edirlər. Yerli hüquq müdafiəçiləri Hümbətovu siyasi məhbus kimi tanıyıb, Amnesty İnternational isə onun müdafiəsi kampaniyasına başlayıb.
Xatırladaq ki, karton yığıb təhvilverməklə dolanan fəal videomüraciətində hökuməti, o cümlədən prezidenti ölkə vətəndaşlarının sosial-iqtisadi vəziyyətinə görə tənqid edib.
Martın 30-da o, küçədə karton toplayarkən saxlanılıb və Xəzər rayon polis bölməsinə aparılıb, oradan isə onu psixiatriya xəstəxanasına aparıblar.
İki gün sonra o, xəstəxananın baş həkimi Ağahüseyn Rəsulovun məcburi müalicə haqqında vəsatətini təmin etməyən Sabunçu rayon məhkəməsinin qərarı ilə azad edilib.
Bir gün sonra Hümbətov yenidən saxlanılıb və yenə həmin xəstəxanaya aparılıb, belə ki, baş həkim məhkəmə qərarından şikayət verib.
Bakı Apellyasiya Məhkəməsi apellyasiyanı və həkimin Hümbətovun öz hərəkətlərinə nəzarət edə bilməməsi, ətrafdakılara qarşı əxlaq qaydalarına zidd hərəkətlər etməsi haqqında iddialarını təmin edib.
Tezliklə birinci dəfə Hümbətovu psixiatriya xəstəxanasından azad edən hakim Samir Talıbov da vəzifədən azad edilib.
Rəsmi Bakı ölkəmizdə heç kimin tənqidi baxışlarına görə təqiblərə məruz qalmadığını iddia edir. -21D-
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz