Açiq mənbələrdən foto.
ABŞ COVİD-19 ilə mübarizə üçün Azərbaycana 1,5 milyon dollar verib
Bakı/24.08.20/Turan: ABŞ hökuməti Beynəlxalq İnkişaf Agentliyi (USAİD) və Dövlət Departamenti vasitəsilə Azərbaycana koronavirus infeksiyası pandemiyası və onun nəticələri ilə mübarizəyə 1,47 milyon dollar ayıracaq. Bu barədə ABŞ səfirliyinin press-relizində deyilir.
Hökumətə texniki yardım və məsləhət xidmətlərinin göstərilməsi, kənd təsərrüfatı və aqroturizmdə kiçik və orta müəssisələrə dəstək, pandemiyanın yaratdığı çətinliklərin aradan qaldırılması üçün USAID-in özəl sektorda fəaliyyətinə1 mln. dollar ayrılacaq.
Daha 471 min dollar pandemiyadan zərər çəkmiş miqrantların sığınacaqlar, qidalanma və tibbi xidmətlərlə təmin olunması üçün Dövlət Departamenti tərəfindən ayrılır.
“COVİD-19 pandemiyası və onun yayılmasına qarşı mübarizədə səylər ABŞ, Azərbaycan və bütün dünyada kiçik və orta biznes üçün problemlər yaradıb. Amerika xalqından bu əlavə maliyyələşdirmə kiçik və orta biznesə, onların işçilərinə böhranı aradan qaldırmağa kömək edəcək. Biz istəyirik Azərbaycan xalqı bilsin ki, COVID-19 böhranı boyunca və onun təsirlərindən qurtarana qədər onların yanında olacayıq”,- ABŞ səfiri Li Litzenberger qeyd edib.
ABŞ, COVID-19 pandemiyasının nəticələrinin aradan qaldırılması üçün Azərbaycana 5 mln. dollardan çox vəsait ayırıb. Bu vəsait ölkə daxilində 3600-dən çox ehtiyacı olan şəxsin ərzaq və gigiyena vasitələri ilə təmin olunmasına; virusun yayılmasının qarşısını almaq və ona cavab verə bilmək üçün lazımi addımlar barədə insanların maarifləndirilməsinə; yerli xəstəxanaların işinin yaxşılaşdırılmasında kömək etmək üçün Türkiyədən 19 həkimi məsləhətçi olaraq ölkəyə gətirən uğurlu REACT-C19 layihəsinə ayrılıb.
ABŞ Azərbaycanda COVID-19 pandemiyasına cavab tədbirləri üçün Beynəlxalq Qırmızı Xaç və Qızıl Aypara Cəmiyyətləri Federasiyası, Beynəlxalq Qızıl Xaç Komitəsi, Beynəlxalq Miqrasiya Təşkilatı, Azərbaycan Qızıl Aypara Cəmiyyəti və BMT Uşaq Fonduna (UNİCEF) maliyyə vəsaiti ayırıb.
COVID-19 virusunun yayılmasından bu yana ABŞ bütün dünyada pandemiya ilə mübarizəyə 20,5 milyard dollar yardım edib.-16D-
-
- Böyük Şərq
- 24 Avqust 2020 16:56
-
- Cəmiyyət
- 24 Avqust 2020 17:16
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz