Аркадий Дубнов
Rusiyalı ekspert Moskvanın üçtərəfli görüşlə bağlı maraqları barədə
Bakı/11.01.21/Turan: Co Baydenin yanvarın 20-də keçiriləcək andiçmə mərasiminə qədər Moskva Qarabağ münaqişəsinin nizamlanması üzrə hansısa nəticələrə nail olmaq istəyir ki, bu məsələni müstəqil həll etsin, ABŞ və Fransanın müdaxiləsinə yol verməsin. Tanınmış rusiyalı jurnalist və analitik Arkadi Dubnov "Azadlıq" radiosuna müsahibəsində bildirib.
O, Rusiyanın Ermənistandan fərqli olaraq Azərbaycanın sülhməramlıların mandatı haqda sənədi imzalamamasından narahat olduğunu etiraf edib. "Bakı Dağlıq Qarabağa, o cümlədən Ermənistan tərəfindən giriş məntəqələrinə nəzarət əldə etməyi, Qarabağda erməni hərbçilərin tamamilə tərksilah edilməsini istəyirdi. Bakı bu gün Dağlıq Qarabağın Rusiya sülhməramlılarının nəzarəti altında olan bir hissəsinin də idarə olunmasında iştirak etmək istərdi. Hesab etmirəm ki, bu cür iddiaları tamamən Moskvada qəbul etməyə hazırdırlar", - Dubnov deyib.
Moskva Azərbaycanda Türkiyə hərbi bazalarının yerləşdirilməsinin mümkünlüyü barədə məlumatlardan da narahatdır. Bu, Moskvanın Ankara və Bakı ilə münasibətlərinə mənfi təsir göstərir, Dubn bildirib və qeyd edib ki, noyabrın 9-də Rusiyanın Mi-24 vertolyotunun azərbaycanlı hərbçilər tərəfindən vurulmasına dair Moskvanın mövqeyinin sərtləşdirilməsini təsadüfi saymır. “"Mən bunu Moskva üçün də ümumi əlverişli şəraitə nail olmaq üçün Bakıya təzyiqin bir elementi kimi qiymətləndirirəm", - o bildirib.
Azərbaycan Moskva və Yerevanı Naxçıvan vasitəsilə yolun açılması və regionun iqtisadi transformasiyası ilə maraqlandırmağa çalışır. "Düşünürəm ki, bu, ciddi təklifdir və bu təklifdən, çətin ki Moskvada kənara çəkilsinlər". Dubnov hesab edir ki, bu, Moskvaya öz enerji resurslarının Qərbə ixracı marşrutlarını diversifikasiya etməyə kömək edəcək.-02D-
-
- Maliyyə
- 11 Yanvar 2021 14:02
-
- İqtisadiyyat
- 11 Yanvar 2021 15:15
Siyasət
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
-
“Anatolian Phoenix - 2024” beynəlxalq axtarış-xilasetmə təlimlərində iştirak edəcək Azərbaycan ordusunun hərbi qulluqçuları və aviasiya vasitələri Türkiyənin Konya şəhərinə gediblər.
-
Cümə günü ABŞ prezidenti Co Bayden Ümumdünya Mətbuat Azadlığı Günü ilə bağlı bəyanatla çıxış edərək, öz işini yerinə yetirdiyinə görə həbs olunan bütün jurnalistlərin "dərhal və qeyd-şərtsiz" azad edilməsinə çağırıb, Turan-ın Vaşinqton müxbiri bildirib.
Rəy yaz