Azərbaycan Qarabağa qanunsuz daxil olan İran yük maşınlarını cəzalandırır /YENİLƏNİB/

Son məlumatlara görə, İranın yük maşınları İrandan gələrkən Azərbaycan ərazisinə giriş üçün gömrük rüsumu ödəyirlər.

Qayıdarkən onların Qarabağa gedib-getmədiyi yoxlanılır və izahat tələb olunur. Azərbaycan sərhədini təkrar pozduqda sürücü və onun nəqliyyat vasitəsi həbs oluna bilər. -02B-

*   *   *

2021 Sentyabr 12 (Bazar) 22:21:39

Azərbaycan Qarabağa qanunsuz daxil olan İran yük maşınlarını cəzalandırır

Bakı / 09/12/21 / Turan: Artıq xəbər verdiyimiz kimi, Bakı Rusiya sülhməramlılarının xarici vətəndaşları və avtomobilləri Qarabağa buraxmasına görə Rusiya Müdafiə Nazirliyinə etiraz etdi. Söhbət İrandan Laçın dəhlizi ilə Qarabağa yanacaq və digər mallar daşıyan  yük maşınları və benzin tankerlərindən gedir.

Açıqlama verildikdən dərhal sonra müvafiq addımlar atıldı. Belə ki, geri dönərkən, İran yük maşınları Goris-Kafan magistral yolunda, bu yolun Azərbaycan ərazisindən Qubadlı rayonunun Eyvazlı kəndindən keçən hissəsində saxlanılır. Erməni KİV-lərinin yazdığına görə, İran yük maşınları Azərbaycan ərazisindən icazəsiz keçdiyinə görə 100 dollar cərimə olunur. -02V-