nokta.md
Bakı/28.11.22/Turan: Azərbaycanlılar nadir hallarda dövlət orqanlarından məhkəməyə şikayət edirlər. Belə hesab edilir ki, Azərbaycan məhkəmələri vətəndaşların yox, birmənalı olaraq dövlətin maraqlarını müdafiə etməyə borcludurlar. Amma bəzən gözlənilməz hallar baş verir - məhkəmələr adamların xeyrinə və dövlət təşkilatlarına qarşı iddiaların təmin edilməsi üçün qərarlar çıxarırlar.
Gəncədə fəaliyyət göstərən “Finest Tobacco” MMC-nin baş direktoru Orxan İsmayılov idxal siqaretlərin satışı üçün zəruri olan aksiz markalarını Maliyyə Nazirliyindən ala bilmədiyindən müflisləşmə həddində və müəssisəni bağlamaq ərəfəsində idi. Şirkət iki il ərzində fəaliyyətini dayandırmağa məcbur olub.
Turan “Finest Tobacco” ilə Maliyyə Nazirliyi arasındakı münaqişə barədə “Maliyyə Nazirliyi prezidentin aksiz markaları haqqında fərmanını icra edə bilmədiyini təsdiqləyib” məqaləsində yazıb.
İsmayılov məhkəməyə müraciət edib. Oktyabrın 4-də Gəncə İnzibati Məhkəməsi Maliyyə Nazirliyinin aksiz markalarını məcburi verməsilə bağlı İsmayılovun iddiasına baxıb və onu təmin edib.
Maliyyə Nazirliyi Gəncə İnzibati Məhkəməsinin qərarının ləğv edilməsi xahişilə Apellyasiya Məhkəməsində iddia qaldırıb. İşə dekabrın 9-da baxılacaq.
Vətəndaşın xeyrinə ədalətli məhkəmə qərarı ilə bağlı ikinci hadisə: “Silk Way” aviaşirkətinin təlimatçı-naviqatoru İqor Ələsgərov təhlükəsiz iş üçün çənlərində yetərincə yanacaq olmayan təyyarələrin uçuşu barədə hesabat qeydlərində məlumat verdikdən sonra bu vəzifədən azad edilib.
Turan bu barədə “Şturman “Silk Way” aviaşirkətini ittiham edir” məqaləsində yazıb.
Ələsgərov pilotları təyyarələri yetərsiz miqdarda yanacaqla doldurmağa məcbur edən şirkət məmurlarının günahı ucbatından hava gəmilərində təhlükəli halların baş verməsi barədə bildirib.
Ələsgərov məhkəməyə şikayət edib. İş Azərbaycan Ali Məhkəməsinə qədər gəlib çatıb. Oktyabrın 28-də Ali Məhkəmə təlimatçı-naviqatorun əvvəlki vəzifəsinə bərpa olunması barədə iddiasının təmin edilməsinə dair qərar qəbul edib. Ələsgərov “Silk Way” şirkətində fəaliyyətini davam etdirir.
“Əvvəlki yerimdə çalışdığım üçün məmnunam. Ali Məhkəmənin qərarı ilə 25 aylıq məcburi işsizliyə görə maaşımın hamısı mənə ödənildi”, - İqor Aleskerov Turan-a bildirib. –0—
Cəmiyyət
-
Bazar günü, iyunun 2-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Arabir güclənən şimal-qərb küləyi günün ikinci yarısında mülayimləşəcək.
-
Lider mobil operator uşaq evinin sakinlərində mütaliəyə həvəs yaradır “Azercell Telekom” MMC-nin təşkilatçılığı, “Ümidli Gələcək” Sosial Təşəbbüslər İctimai Birliyinin və “S.E.N.S.U.M by Amapola” şirkətinin dəstəyi ilə 3 saylı uşaq evi sosial xidmət müəssisəsində tərbiyə alan 6-10 yaşlı bir qrup uşaq üçün tədbir baş tutdu. 1 iyun - Uşaqların Beynəlxalq Müdafiəsi Günü münasibətilə həyata keçirilən layihə balacalara bayram əhvali-ruhiyyəsi yaşatmaqla yanaşı, onlarda mütaliə mədəniyyətinin formalaşdırılması, nitq və yaradıcılıq qabiliyyətinin inkişafı, ümumilikdə təhsilə həvəsin artırılmasına yönəlik xüsusi proqramla yadda qaldı.
-
İyun ayında Azərbaycanda hava şəraiti və temperatur rejimi ilin bu vaxtı üçün xarakterik olacaq, Milli Hidrometeoroloji Xidmətin aylıq proqnozunda deyilir.
-
Uzun müddətdir deyilir ki, Azərbaycan və Ermənistan arasında sülh müqaviləsinin əsas prinsipləri razılaşdırılıb, bəzi məsələlər qalıb. Mayın 10-da Azərbaycan və Ermənistan xarici işlər nazirlərinin Almatı görüşündən sonra da oxşar bəyanat səslənmişdi: "Nazirlər delimitasiya üzrə irəliləyişi və bununla bağlı əldə edilmiş razılaşmaları alqışlayıblar. Tərəflər hələ də fikir ayrılıqlarının mövcud olduğu açıq qalan məsələlər üzrə danışıqları davam etdirməyə razılaşıblar".
Rəy yaz