Ned Price
Vaşinqton/21.12.22/Turan: Çərşənbə axşamı Bakı məhkəməsi həbsdə olan hüquq müdafiəçisi Bəxtiyar Hacıyev barəsində qətimkan tədbirinin ev dustaqlığı ilə əvəz edilməsi haqqında vəsatəti təmin etmədikdən sonra ABŞ Dövlət Departamenti bir daha onu azad etməyə çağırıb. Xəbəri Turan-ın Vaşinqton müxbiri verib.
"Ötən həftə biz Bəxtiyar Hacıyevin İnsan Hüquqları Günü ərəfəsində həbsi ilə bağlı narahatlığımızı bildirmişdik", deyə mətbuat katibi Ned Prays gündəlik brifinqdə bildirib.
"Biz Azərbaycan hakimiyyətini onu operativ qaydada azad etməyə çağırdıq", deyə o əlavə edib.
Turan-ın Hacıyevin işinin Bakı rəsmiləri ilə müzakirə olunub-olunmadığı haqqında sualına cavabda Prays belə deyib: "Bu, bizim diplomatik kanallarla tərəfdaşlarımızla apardığımız özəl danışıqlardır. Biz bütün dünyada ümumilikdə, həmçinin ayrı-ayrı hallarda insan hüquqları məsələsini tərəddüdsüz qaldırırıq. Bu, əlbəttə ki, Azərbaycandakı tərəfdaşlarımıza da aiddir". 25B
Siyasət
-
Azərbaycan-Ermənistan dövlət sərhədinin demarkasiyası çərçivəsində geodeziya ölçmələri əsasında artıq 20 sərhəd dirəyi quraşdırılıb.
-
Aprelin 24-də Xocalı rayonunun Malıbəyli kəndi ərazisində qazıntı işləri aparılarkən ən azı 6 nəfərə aid olduğu ehtimal edilən insan sümük fraqmentləri aşkar edilib. Bu barədə Azərbaycan Baş Prokurorluğu və Əsir və itkin düşmüş, girov götürülmüş vətəndaşlarla əlaqədar Dövlət Komissiyasının birgə məlumatında deyilir.
-
Azərbaycan Xalq Cəbhəsi Partiyasının fəalı Elnur Həsənov aprelin 18-dən 1 saylı Bakı İstintaq Təcridxanasında quru aclıq edir.
-
Aprelin 25-də Avropa Parlamenti vətəndaş cəmiyyətinə qarşı repressiyalara görə Azərbaycan hakimiyyətini qınayan qətnaməni 474 "lehinə", 4 "əleyhinə" və 51 “bitərəf” səslə qəbul edib.
Rəy yaz