Azərbaycan öhdəliklərini necə yerinə yetirir, Rusiya necə?
Bu gün, fevralın 22-də "Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında" Bəyannamə imzalanmasının 1 ili tamam oldu. 43 maddədən ibarət Bəyannamədə qeyd edilir ki, Rusiya və Azərbaycan öz münasibətlərini müttəfiqlik əsasında qurur. Sənədə görə, bu iki ölkə aktual beynəlxalq problemlər üzrə eyni və ya yaxın mövqelər tutmalıdırlar. Habelə, onlar öz ərazilərində təşkilatların və şəxslərin digər tərəfin dövlət suverenliyinə, müstəqilliyinə, ərazi bütövlüyünə qarşı yönəlmiş fəaliyyətinin qarşısını qətiyyətlə almalıdırlar. Bir sözlə, sənəd siyasi, iqtisadi, humanitar və bir çox başqa sahələr üzrə əməkdaşlığın genişlənməsini ehtiva edir.
Lakin bir il keçsə də, Bəyannaməni hər iki ölkənin parlamentləri ratifikasiya etməyib.
Milli Məclisin Beynəlxalq münasibətlər və parlamentlərarası əlaqələr komitəsinin üzvü Elman Nəsirov "Turan"a deyib ki, Rusiya ilə Azərbaycan strateji müttəfiqdirlər: "Ötən ilin fevralın 22-də imzalanmış sənədlə münasibətlərimiz yüksək səviyyəyə qalxıb".
Deputatın hesab edir ki, bu sənədin imzalanması hər iki tərəfin maraqlarına cavab verir: "Xüsusilə də Azərbaycan üçün çox əhəmiyyətlidir. Bu da onunla bağlıdır ki, tərəflər qarşılıqlı şəkildə bir-birinin ərazi bütövlüyünü, suverenliyini, sərhədlərin toxunulmazlığını tanıyırlar. Bir-birinin daxili işlərinə qarışmaq, hədələmək və güc tətbiq etmək siyasətindən imtina edirlər. Biz fərqindəyik ki, Rusiya dünyanın nəhəng dövlətidir və Azərbaycanın heç bir halda Rusiyaya qarşı ərazi iddiası ola bilməz".
O vurğulayıb ki, Rusiya ilə münasibətlərin inkişafı Azərbaycanın milli maraqlarına uyğundur: "Münasibətlərin korlanması isə Ermənistanın və onun daxilində revanşist qüvvələrinin maraqlarına xidmət etmiş olur".
E.Nəsirovun sözlərinə görə, Rusiya ilə münasibətlərdə həllini gözləyən məsələlər də var: "Rusiya sülhməramlıları qüvvələrinin fəaliyyəti 10 noyabr bəyanatının 4-cü bəndi ilə tənzimlənir. Həmin bəndə əsasən, Rusiya sülhməramlılarının gəlişi ilə paralel şəkildə qeyri-qanuni erməni birləşmələri ərazidən çıxarılmalı idi. Təəssüf ki, Rusiya sülhməramlıları bu vəzifəni icra etmirlər və yenə də orada əlisilahlı ermənilər qalmaqdadır. Bu kimi məsələlərdə Rusiya ilə bizim fikir ayrılığımız var. Bütövlükdə isə Azərbaycan üçün münasibətlər strateji xarakter daşıyır".
Siyasi Menecment İnstitutunun direktoru Azər Qasımlı isə AzadlıqRadiosuna bildirib ki, iki ölkənin münasibətlərində bu bir il ərzində heç bir dəyişiklik olmayıb: "Amma bu bəyanatdan irəli çıxan müəyyən hərəkətlilik və Azərbaycan tərəfindən bəyannaməyə uyğun hərəkətlər görmüşük. Məsələn, BMT-də Rusiyaya qarşı hər hansı məsələ səsverməyə çıxarılanda Azərbaycan tərəfinin iştirak etməməsi və, digərlər kimi, Rusiyanın əleyhinə səs verməməsi bunu göstərir. Avropa Şurasının Nazirlər Komitəsinin Rusiyanın üzvlüyünün dondurulması ilə bağlı verdiyi qərar müzakirəyə çıxarılanda yenə də Azərbaycan tərəfi iştirak etməyib. Yəni, Azərbaycan tərəfi bu sənəddən irəli gələn öhdəliklərini yerinə yetirir".
Siyasi şərhçinin sözlərinə görə, digər tərəfdən, Qarabağ ətrafında gedən proseslərdə, Ermənistan Baş naziri Nikol Paşinyana qarşı təzyiqlərdə Azərbaycan də aktiv iştirak edir və bununla Rusiyanın maraqlarını təmin edir.
Bu fikirlərə Rusiyanın Azərbaycandakı səfirliyindən münasibət almaq mümkün olmayıb. Amma Rusiya rəsmiləri də sözügedən bəyannamədən irəli gələn öhdəliklərin yerinə yetirilməsinin vacibliyindən danışırlar.
-
- İqtisadiyyat
- 22 Fevral 2023 14:32
-
- İqtisadiyyat
- 22 Fevral 2023 16:05
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
ABŞ səfirinin dediklərindən hansı nəticələr çıxarmalı? – Seymur Həzi Çətin sualda
Xəbər lenti
-
- Siyasət,
- 13:04
- 297
Rəy yaz