Açiq mənbələrdən foto.
Yerevan Bakının sonuncu təkliflərinə cavab hazırlayır
Bakı/13.02.23/Turan: Ermənistan Azərbaycanla sülh müqaviləsinin mətni və Azərbaycan tərəfindən bu yaxınlarda aldığı təkliflər üzərində işləyir. Bu barədə Ermənistan parlamentinin xarici əlaqələr üzrə daimi komissiyasının sədri Sarkis Xandanyan bildirib.
O xatırladıb ki, Ermənistan və Azərbaycan tərəfləri sülh müqaviləsinin mətni ilə bağlı təkliflərini vaxtaşırı bir-birinə təqdim edir. Bu yaxınlarda Azərbaycan öz təkliflərini Ermənistana göndərib. "Ermənistan bu təkliflər üzərində işləyir. Təkliflərimiz hazır olduqda Azərbaycana göndəriləcək", deyə Ermənistan KİV-ləri Xandanyandan sitat gətirir.
RF XİN-in Ermənistan-Azərbaycan münasibətlərinin normallaşmasına yardım üzrə xüsusi nümayəndəsi İqor Xovaevin səfərinin yekunlarına toxunan komissiya sədri deyib ki, Ermənistan hökumətinin nümayəndələri Xovaevlə Laçın dəhlizi, təhlükəsizliyin təmin edilməsi məsələlərini və Ermənistanın xarici siyasətinin bütün aspektlərini müzakirə ediblər.
Qeyd edək ki, hələlik nə Bakı, nə Yerevan sülh müqaviləsi ilə bağlı son təkliflərin nədən ibarət olduğunu açıqlamayıb.
İlkin olaraq Bakının təklifi ərazi bütövlüyünün qarşılıqlı olaraq tanınmasını, sərhədlərin demarkasiyasını, gələcəkdə iddialardan imtina edilməsini, diplomatik münasibətlər qurulmasını ehtiva edirdi. Yerevan bu şərtlərlə sülh müqaviləsini imzalamağa razı olduğu barədə cavab verib, amma müqaviləyə Qarabağın statusu haqqında bənd daxil etməyi tələb edib. Bakı bu tələbi qəbul etməyib. 02D
-
- Aktual Reportaj
- 13 Fevral 2023 12:31
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz