Senatorlar Dik Durbin və Ben Kardin
ABŞ-ın mühüm senatorları Bəxtiyar Hacıyevin azadlığa buraxılmasını tələb edirlər
Vaşinqton/14.02.23/Turan: Bazar ertəsi ABŞ-ın mühüm senatorları Azərbaycan hakimiyyətini fəal Bəxtiyar Hacıyevi və digər siyasi məhbusları dərhal azad etməyə çağırıblar, Turan-ın Vaşinqton müxbiri bildirib.
"Mən hələ də hesab edirəm ki, Azərbaycanın gələcəyi demokratiya birliyində olmalıdır, amma fəal Bəxtiyar Hacıyev kimi siyasi məhbusların həbsi bu yolu sarsıdır",- Senatda senator Dik Durbin bildirib.
"Azərbaycan Hacıyevi və digər siyasi məhbusları dərhal azad etməlidir", - o, Twitter hesabında yazıb.
Helsinki Komissiyasının həmsədri, senator Ben Kardin də Azərbaycan hökumətini "dekabr ayından haqsız olaraq saxta bəhanələrlə saxlanılan" Bəxtiyar Hacıyevi dərhal azad etməyə çağırıb.
"Biz insan hüquqlarını pozmaq istəyən hər kəsi məsuliyyətə cəlb edə bilərik və edəcəyik", - Cardin Twitter hesabında qeyd edib.
Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. O bu ittihamları qəti şəkildə rədd edir və aclıq elan edib.
Senatorların tvitləri şənbə günü Dövlət Departamenti yenidən Hacıyevin tezliklə azad edilməsinə çağırdıqdan və fəalın səhhətinin ciddi şəkildə pisləşdiyini və komaya düşmə riskinin olduğunu qeyd etdikdən sonra yayılıb.
Daha sonra həftə sonu Derpartament demokratiya, insan hüquqları Bürosunun Twitter hesabında aşağıdakıları dərc edib: "Biz Azərbaycan hakimiyyətini hüquq müdafiəçiləri Bəxtiyar Hacıyevi, Elçin Məmmədovu və əsas azadlıqları həyata keçirdiklərinə görə həbs olunanların hamısını dərhal azad etməyə, Elçin Sadıqovun üzərindən ev dustaqlığını və ittihamları götürməyə çağırırıq". 25B
-
- Maliyyə
- 14 Fevral 2023 10:58
-
- İqtisadiyyat
- 14 Fevral 2023 11:55
Siyasət
-
Martın 28-də Avropa İnsan Hüquqları Məhkəməsi Azərbaycandan göndərilmiş 21 ərizə ilə bağlı qərar və qərardadlarını elan edib.
-
Aprelin 5-də keçiriləcək Ermənistan- Avropa İttifaqı -ABŞ görüşü Moskvanı narahat edir, çünki Vaşinqton və Brüssel onun antirusiyayönlü olması barədə açıq danışırlar, Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
-
Dağlıq Qarabağın keçmiş rəhbərliyindən bəzi dairələr mühacir hökumət barədə bəyan edərək hərəkət və addımlar atırlar, Ermənistanın milli təhlükəsizliyinə təhdid yaradırlar. Bu barədə martın 28-də Ermənistanın baş naziri Nikol Paşinyan hökumətin iclasında bildirib.
-
Bu gün Bakı Ağır Cinayətlər Məhkəməsində Azərbaycan ərazisində casusluqda ittiham olunan İran vətəndaşı Qaedi Məhəmməd Nəcəf oğluna hökm oxunub.
Rəy yaz