Açiq mənbələrdən foto.
Beynəlxalq Qızıl Xaç Komitəsinin nümayəndələri Ermənistanda həbs olunmuş azərbaycanlı əsgərlərə baş çəkiblər
Bakı/19.04.23/Turan: Bu gün Beynəlxalq Qızıl Xaç Komitəsinin nümayəndələri Yerevanda həbs olunmuş iki azərbaycanlı əsgərə baş çəkiblər.
Onlarla təkbətək görüşlər keçirilib və Qırmızı Xaç vasitəsilə ailələrinə məktub çatdırmaq imkanı verilib.
Bu barədə Turan agentliyinə Beynəlxalq Qızıl Xaç Komitəsinin Bakı nümayəndəliyinin ictimaiyyətlə əlaqələr şöbəsinin rəhbəri İlahə Hüseynova bildirib.
Beynəlxalq Qızıl Xaç Komitəsinin mandatına uyğun olaraq, başçəkmələr zamanı təşkilatın nümayəndələri saxlanılan şəxslərlə rəftarı və saxlanma şəraitini qiymətləndirir, onların ailələrilə əlaqələrini bərpa etmək və ya davam etdirmək üçün şərait yaradır.
Beynəlxalq Qızıl Xaç Komitəsinin prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır.
*Aprelin 10-da Azərbaycan Silahlı Qüvvələrinin iki əsgəri Naxçıvanın Şahbuz rayonunda itib. Müdafiə Nazirliyi bildirib ki, onlar əlverişsiz hava şəraitində azıblar.
Ertəsi gün Ermənistan KİV bildirib ki, onlardan biri Sünik vilayətinin Bnunis kəndində saxlanılıb. O, Əsgər Aqşin Bəbirovdur.
Aprelin 13-də Ermənistan KİV saxlanılan digər əsgərin - Hüseyn Axundovun kadrlarını yayıblar. Onun bədənində zorakılıq izlərinin olduğu görünüb. O, Kafan şəhəri yaxınlığında saxlanılıb. Sonradan hər iki əsgərə qarşı sərhədi qanunsuz keçmək və silah daşımaq ittihamları irəli sürülüb.
Aprelin 18-də Hüseyn Axundovu mis-molibden kombinatının mühafizəçisini öldürməkdə də ittiham ediblər. -06B-
Siyasət
-
Sosial Hüquqlar Mərkəzinin əməkdaşı Ayşən Muradova bu gün Bakı şəhər Baş Polis İdarəsinə çağırılıb. Muradova jurnalistlərə deyib ki, o, “Abzas Media” işi üzrə 2,5 saat ərzində şahid qismində dindirilib.
-
Türkiyə prezidenti Erdoğan Osmanlı İmperiyasında 1915-ci il hadisələrinin ildönümü ilə əlaqədar Türkiyə ermənilərinin Patriarxı Saak Maşalyana məktub göndərib.
-
Aprelin 23-də Beynəlxalq Güləş İttifaqı (UWW) İntizam Palatasının şəxsində 2024-cü ilin mart ayında Bakıda Avropa təsnifatı çərçivəsində Frank Çamizo (İtaliya) və Turan Bayramov (Azərbaycan) arasında yarımfinal görüşü zamanı pozuntulara görə arbitrləri hakimlik hüququndan məhrum edib. Bu barədə UWW-nin press-relizində deyilir.
-
Mülki xəstəxanada müyinələrdən sonra həkimlər Qubad İbadoğluna müalicə ilə yanaşı, bir müddət sakit, qeyri-əsəbi mühitdə dincəlməyi tövsiyə ediblər.
Rəy yaz